Ўзбекистон ташқи ишлар вазири в.б. Владимир Норов бошчилигидаги делегациянинг Ашхободга ташрифи доирасида Туркманистон Вазирлар Маҳкамаси раисининг ўринбосари, ташқи ишлар вазири Рашид Мередовга Ўзбекистон Республикаси ва Туркманистон ўртасидаги кўп асрлик дўстлик ва яхши қўшничилик ришталарини, стратегик шерикчилик ва кўп қиррали ҳамкорлик муносабатларини ривожлантириш ва мустаҳкамлашга қўшган улкан шахсий ҳиссаси «Дўстлик» орденини топширишга бағишланган тантанали маросим бўлиб ўтди.
Ўзбекистон президентининг тегишли фармонини ташқи ишлар вазири в.б. V.Норов ўқиб эшиттирди.
Р.Мередов Ўзбекистон президенти Шавкат Мирзиёевга унинг фаолиятига берилган юксак баҳо ва «Дўстлик» ордени билан тақдирлангани учун миннатдорлик билдирди.
Туркманистон ташқи ишлар вазири бундан буён ҳам икки қардош давлат ўртасидаги кўп қиррали ва стратегик шерикликни ривожлантириш учун барча саъй-ҳаракатларни амалга ошириш ниятида эканини таъкидлади.
Изоҳ (3)
Дўстлар ҳеч қачон кўп бўлмайди. Рашид Мередовни "Дўстлик" ордени билан табриклаймиз. Шундай дўстларимиз кўпаяверсин.
Hamma bilan do'stona aloqalarni saqlash kerak. Prezidentimiz ko'plab yaxshi ishlarni amalga oshiryapti. Men uchun bularning eng taqsinga sazovori jonajon qo'shnilarimiz Tojikiston va Turkmaniston bilan aloqalarning tiklangani bo'ldi. Albatta bunda diplomatlarning ham hissalar katta.
Ислом Каримов даврида қўшни Туркманистон билан алоқалар анча ёмонлашган эди. Шавкат Мирзиёев президентликка ўтирган илк кунлардан қўшниларимиз билан алоқаларни қайта тиклади. Дўстлик орденини аслида Шавкат Мирзиёевга бериш керак.