«Ўша куни фарзандим касал эди». Собиқ «Миллион»чи Умид Ҳайдаров интернетда тарқалган видеоси ҳамда судланаётгани ҳақида (видео)
«Миллион» кулги жамоасининг собиқ аъзоси Умид Ҳайдаров «Дарё» мухбирига берган интервьюсида жамоадан кетиб нега телебошловчи бўлгани ва ижтимоий тармоқларда тарқалган видеосининг сабаблари ҳақида сўзлаб берди.
«Миллион» жамоаси орқали халққа танилган бўлсам-да, Ўзбекистон Миллий университетининг журналистика факультетида таҳсил олганман. Яъни тўсатдан бошловчи бўлиб қолганим йўқ. Аввалдан медиа соҳасида лойиҳалар қилиш ниятим бўлган ва вақт борлигида уларни амалга оширдим.Бундан ташқари, у шахсий автомобилида ҳаракатланаётганда йўл талашиб, ҳайдовчилардан бирини ҳақорат қилгани ҳақидаги видеога изоҳ берди.«Миллион» жамоасидан кетиб, яккахон ижодни бошлашдан аввал «Ким ошпаз?» ва «Хонадон шоу» каби реалити телелойиҳаларни суратга олдик. Уларнинг иккиси ҳам Ўзбекистонда илк марта суратга олинган реалити шоулар ҳисобланади. Яқин кунларда эса янги очилаётган студия билан ҳамкорликда фильм ва сериалларни суратга олишни режалаштиряпмиз. Аввал фильмларда режиссёр, кейинчалик эса устоз санъаткорларимиз каби бир фильмда ҳам режиссёр, ҳам актёр сифатида суратга тушиш ниятим бор.
Табиатда қоплон ва шер ўлжани қўлга киритишдан аввал бироз кутиб, кейин ов қилади. Мен ҳам ижодда бироз кутиб турибман. Спортчи кундалик машқлар билан чиниқиб турганидек, мен ҳам телелойиҳалар билан янги натижаларни қўлга киритишга тайёргарлик кўряпман. Талабалигимизда бошловчилик қилиш орзуси бўлгани учун кўрсатувларда иштирок этяпман, — дейди Умид Ҳайдаров.
Бу ҳақда ҳеч қаерда изоҳ берганим йўқ. Элнинг оғзига элак тутиб бўлмайди. Ҳар хил гап сўзлар бўляпти. Ким ҳақ, ким эса ноҳақлиги бўйича тегишли ташкилотлар шуғулланишяпти. Видеони тарқатган инсоннинг устидан ҳеч қаерга шикоят қилганим йўқ. У оила билан эса судда муросага келамиз.Мавзуга доир:Ўша воқеада қилган хатти-ҳаракатим учун эса халқдан узр сўрадим. Одамлардан илтимосим шуки, кўзингиз билан кўрмаган нарсага изоҳ қолдиришдан тийилиш керак. Бўлмаса бу ғийбат бўлиб қолади. Танганинг икки томони бўлганидек, тарқатилган видеони кўриб, бир томонлама хулоса қилиш ярамайди.
Мен аввал ҳам, кейин ҳам ўз хатти-ҳаракатим учун жавоб бераман. Бунга «Миллион» номини аралаштириш шарт эмас. Менимча, тирбанд кўчаларда кунига бундай воқеалар бир неча марта содир бўлади. Ўша куни фарзандим касал эди, кутилмаганда шундай бўлди, — дейди Умид Ҳайдаров.
- Ўзбек шоу-бизнеси юлдузлари иштирокидаги «Менинг тўйим» фильми премьерасидан репортаж (фото, видео)
- «Барон-2. Соғинч». Рустам Саъдиевнинг соғлиғини йўқотишига сабаб бўлган фильмнинг ёпиқ тақдимотидан репортаж (фото ва видео)
