Европадаги энергетика инқирози туфайли дунёда ўғит танқислиги юз бериши мумкин

Европада ўғит ишлаб чиқаришни тўхтатувчи энергия танқислиги дунё фермерларини озиқ-овқат етиштириш учун муҳим бўлган озуқавий моддалардан камроқ фойдаланишга мажбур қилмоқда. Бу ҳақда Bloomberg хабар берди.

Ҳисоб-китобларга кўра, асосий хом ашё бўлган газ нархининг кўтарилиши Европа азотли ўғитлар қувватининг чорак қисмини қисқартирган. Энди инқироз янада ёмонлашади, деган хавотирлар кучаймоқда.

Европа учун бу ишлаб чиқаришнинг қисқариши ва азотли маҳсулотлар ишлаб чиқариладиган аммиак импортига кўпроқ қарамликни англатиши мумкин.

Бу бошқа соҳаларда ҳам таъсир қилади. Халқаро ўғитлар ассоциациясига кўра, юқори нархлар ва таъминотнинг кескинлиги туфайли фермерлар келгуси мавсумда глобал ўғитдан фойдаланишни 7 фоизга қисқартириши мумкин.

Дунё нархларнинг кўтарилиши ва очарчиликнинг кучайиши билан курашаётганда, бу ҳосилни чеклаш хавфини кучайтиради.

Маълумотларга кўра, келгуси мавсумда ўғитлардан фойдаланишнинг энг катта пасайиши Жанубий Африкада кузатилади — 23 фоиз.

Ўтган ойлардаги пасайишдан сўнг, ўғит нархлари яна кўтарила бошлади, чунки Россиядан етказиб беришнинг камайиши ва талабни оширган Европаги жазирама туфайли газ нархи кўтарилди.

Европа муаммолари

Маълумотларга кўра, ҳозирда аммиакни Европага импорт қилиш уни минтақанинг ўзида ишлаб чиқаришдан кўра анча арзон.

Ҳар йили 20 миллион тонна аммиак ишлаб чиқарадиган Европа инқирозни енгиллаштириш учун ойига яна 200 минг тонна импорт қилиши керак.

Биргина июль ойида Европанинг 10 та ўғит заводи инқироз туфайли ёпилди ёки ишлаб чиқаришни қисқартирди. Вазият янада ёмонлашиши мумкин.

Шу туфайли, келгуси йил учун ўғит етишмайди, деган хавотирлар кучаймоқда.