Бугун,

  • USD 11095.31
  • RUB 173.84
  • EUR 10772.44

Термостатнинг нотўғри ишлаши, совиткичнинг яхши музлатмаслиги ва ёмон ёпиладиган эшик: профессионал уста ёрдамисиз музлаткични тузатиш мумкинми ва қайси қисмларга тегмаслик керак?

1-муаммо: Сув мева ва сабзавот тортмаси остидаги пастки қисмида тўпланади

Совиткич зонасидаги пастки тортмалар остида сув тўпланади. Баъзан муз туфайли тортмалар музлаткичнинг пастки қисмига қадар музлаб, қимирламай қолади.

Фото: «Новий очаг»

Фото: «Новий очаг»

Дренаж тешиги тиқилиб қолган

Бундай ҳолат томчилатиб муздан тушириш тизимининг ўзига хос хусусиятлари туфайли жуда тез-тез содир бўлади. Тешикка сув томчилари билан бирга майдаланган, чанг ва озиқ-овқат қолдиқлари тўлиб қолади. Натижада сув чиқиб кетолмайди ва тортмалар остидан музлаткичнинг пастки қисмига оқиб чиқади. Совитиш пайтида у музлайди, натижада, тортмалар пастки қисмга ёпишиб, қимирламай қолади ва сиз улардан фойдалана олмайсиз. Оқибатда музлаткич камерасида ёқимсиз ҳид пайдо бўлади.

Агар бундай ҳолатга узоқ вақт давомида эътибор берилмаса, музлаткич компрессори камроқ ўчади, бу эса қурилма бузилишига олиб келади.

Нима қилиш керак?

  • Сизга шприц, пахтали таёқча ёки ингичка сим керак бўлади.
  • Озиқ-овқатларни музлаткичдан олинг ва уни электр тармоғидан узинг.
  • Муз эригач, музлаткич қутиларини олинг.
  • Дренажни пахтали таёқча ёки музлаткич билан бирга келадиган махсус асбоб билан тозаланг.
Кичкина шприцга сув тортиб қуйинг. Бу ҳолда сувнинг ҳарорати муҳим эмас. Шприцни дренажга тиқиб, сувни юборинг. Дренаж совитгич камерасининг орқа деворида эвапорататор остида жойлашган ва эриган сувни совитиш камерасидан компрессор яқинида жойлашган махсус резервуарга оқиши учун керак. Сувни шприц билан бир неча марта юборинг.

2-муаммо: Эшикнинг яхши ёпилмаслиги.

Бўшашган эшик туфайли музлаткич камерасида муз ҳосил бўлади, музлаткичга илиқ ҳаво киради, шунинг учун у камроқ ўчади. Натижада орқа деворда муз ҳосил бўлади ва қутилар остида, полда сув тўпланади.

Нима қилиш керак?

Совиткичнинг ўрнатилишини текширинг. Юзанинг нотекислиги туфайли жиҳоз тўғри ўрнатилмаган бўлиши мумкин, бундай ҳолда, музлаткич оёқларини тўғрилаш кифоя.

Агар резина тасма ва эшикларни автоматик равишда ёпадиган пружина синган бўлса, уста чақиришингиз керак. Бироқ уни чақиришдан олдин тасмани кирдан тозалашни унутманг.

Шовқин ва гулдираш

Кўпинча бу муаммо музлаткични бўшатиш орқали ҳал қилинади. Совиткичингизда жуда кўп маҳсулот бор, улар тўғри жойлаштирилмаган ёки қурилма мебель, иситиш қувурлари ва қурилманинг ишлашига халақит берадиган бошқа нарсалар билан алоқада бўлиши мумкин.

Агар бу ёрдам бермаса, уни ўзингиз таъмирлашга уринманг. Уста чақиринг, у албатта носозликларни бартараф этишга ёрдам беради.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди