Бугун,

  • USD 11095.31
  • RUB 173.84
  • EUR 10772.44

Охирги икки ҳафта ичида Ўзбекистонда тарвузнинг ўртача улгуржи нархи 50 фоизга ошди ва бу ўтган йилги кўрсаткичдан 67 фоизга юқори. Бу ҳақда EastFruit хабар бермоқда.

Фото: «Дарё» / Мадина Нурман

Фото: «Дарё» / Мадина Нурман

Бозор иштирокчилари ушбу маҳсулотларни ички бозорга етказиб бериш қисқаргани, бунга қисман жорий йилнинг июль ойида жазирама тўлқинининг салбий таъсири сабаб бўлганини маълум қилмоқда.

EastFruit нархлари мониторингига кўра, 2022 йил 29 июлдан 12 августгача бўлган даврда Ўзбекистонда тарвузнинг ўртача улгуржи нархи бир ярим баробар ошди (1 000 дан 1500 сўмгача/кг).

Шу билан бирга, тарвузнинг ўртача улгуржи нархи 2021 йилнинг шу санасига нисбатан 67 фоизга, 2019 йилнинг шу санасига нисбатан эса 2 баравардан ортиқроқдир.

 

Жорий мавсумда Ўзбекистондан тарвуз экспорт қилиш ҳажми камида сўнгги беш йил ичида рекорд кўрсаткич бўлган бўлса-да, нархларнинг бу қадар кўтарилишида ташқи бозор омили аҳамиятсиз.

Жорий тарвуз экспорти мавсуми май ойининг иккинчи ярмида бошланган бўлиб, уч ойдан бир оз камроқ вақтда 77 минг тонна тарвуз экспорт қилинган.

Бу 2021 йилнинг шу даврига нисбатан 1,8 баробар ва 2020 йилнинг шу даврига нисбатан 9 баробар кўпдир.

Ўтган икки ҳафтада ташқи бозорга 2,8 минг тонна тарвуз жўнатилди, бу экспорт мавсуми бошлангандан буён уч ой давомида умумий ҳажмнинг 3,6 фоизини ташкил этади.

Аввалроқ Ўзбекистон 16,4 млн АҚШ долларига тенг қовун ва тарвуз экспорт қилгани ҳақида хабар берилганди.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди