Сурхондарёда 2 сотих ерни ноқонуний эгаллаб, уй-жой қуриш учун бетон пойдевори қурган фуқаро аниқланди

Сурхондарё вилояти Денов туманида ер майдонини ўзбошимчалик билан эгаллаб олган шахс аниқланди.

Бош прокуратура ҳузуридаги департаментнинг Денов туман бўлими томонидан ўтказилган терговга қадар текширувда, фуқаро Ф.Р. «Д.Б.» фермер хўжалигига қарашли суғориладиган экин ер майдонининг 2 сотихини ноқонуний равишда эгаллаб олиб, уй-жой қуриш учун бетон пойдевори қурганлиги аниқланган.

Мазкур ҳолат юзасидан Жиноят кодексининг 229-1-моддаси (ер участкаларини ўзбошимчалик билан эгаллаб олиш) билан жиноят иши қўзғатилиб, тергов ҳаракатлари ўтказилмоқда.