Россия Болгариянинг 14 нафар дипломатини чиқариб юборишга қарор қилди

Россия болгариялик 14 нафар дипломатни ҳудудидан чиқариб юборишга қарор қилди. Россия Ташқи ишлар вазирлиги хабарига кўра, бу қарор жавоб чоралари сифатида қабул қилинган.

Вазирлик Болгария аввалроқ Россия дипломатик ваколатхоналарининг 70 нафар ходимини персона нон грата деб эълон қилгани, шунингдек, уларнинг дипломатик ва маъмурий-техник ходимлари сонини чеклагани ҳақида эслатди. Бундан ташқари, София Русе шаҳридаги Россия бош консулхонасини вақтинча ёпганди.

Бу қарорлар «ҳеч бер асоссиз қабул қилинган», деди Россия ТИВ. Бундай ҳаракатлар нафақат Россия ва Болгария ўртасидаги «анъанавий алоқаларга жиддий зарар етказади» ва консуллик хизматларидан маҳрум бўлган «ватандошларнинг ҳуқуқларини бузади», балки «фақат Россияга зарар етказиш учун ҳамкорлик манфаатларини қурбон қилишга тайёр бўлган Ғарб жамоасининг янада таназзулга учраши»дан далолат беради», — деди департаментда.

ТИВнинг қўшимча қилишича, бу ҳаракатлар оқибатлари учун жавобгарлик Кирил Петков бошчилигидаги Болгария ҳукумати зиммасига юклатилган. «Ишончимиз комилки, Россияга нисбатан дўстона бўлмаган қадамлар Болгария ва унинг халқи миллий манфаатларига ҳеч қандай алоқаси йўқ», — дея қўшимча қилди у.