Бугун,

  • USD 11014.01
  • RUB 191.8
  • EUR 10674.78

Ижод оламида ўзини синаб кўрган ва турли сабаблар билан санъатни тарк этганлар жуда кўп. Хўш, улар санъатни тарк этгач қандай фаолият билан шуғулланмоқда? «Дарё» мухбири Наргиза Муродова собиқ ижодкорлардан бир гуруҳи билан суҳбатда бўлди.

Афсона

«Жийда гулим» ва «Нурли нурли» қўшиғи билан тингловчиларга яхши таниш бўлган хонанда Афсона сўнгги йилларда умуман ижод қилмай қўйди.

Фото: Instagram / @afsonaofficial

Фото: Instagram / @afsonaofficial

— Кўп вақтимни оилам даврасида ўтказяпман. Ўғлим Зоҳир жуда ёш, унинг тарбияси ва парвариши билан бандман, — дейди Афсона.Афсона саёҳат қилишни ва спорт билан шуғулланишни яхши кўради.

У аёлларга озиш ва чиройли қоматга эришиш бўйича видеолар тайёрлайди.

Диёрбек Маҳкамов

Болалик чоғидан катта саҳнага чиқиб Шуҳрат Қаюмов, Манзура каби машҳур ижодкорлар билан дуэт куйлашга муваффақ бўлган. Афсуски у ижодини 2016 йилда якунлаган.

Фото: Instagram / @diyor_mahkamov

Фото: Instagram / @diyor_mahkamov

— Ҳозирги кунда дадамнинг ишини давом эттиряпман. Бундан ташқари, ресторанларим ҳам бор, — дейди Диёрбек Маҳкамов.Собиқ хонанда «Merhaba Steakhouse» ресторани соҳибидир. Унинг нафақат Ўзбекистонда балки Қозоғистоннинг Олмаота шаҳрида ҳам емакхонаси бор.

Камола Арслонова

«Опа-сингиллар» сериалида Диёра ролини ижро этган Камола Арслонова ҳам санъатни бутунлай тарк этган. У саккиз йилдан буён Туркиянинг Измир шаҳрида яшайди. У Месут исмли кичик тадбиркорга турмушга чиққан. Уларнинг Ахсен исмли қизлари бор.

Фото: Instagram / @diyora.арс

Фото: Instagram / @diyora.арс

Камола Арслонова қўл меҳнати билан шуғулланади, шу билан бирга онлайн дарс ўтиб ҳунарини бошқаларга ҳам ўргатади. Аммо иккинчи фарзандига ҳомиладорлиги сабаб вақтинча севимли машғулоти билан шуғулланолмаяпти.

Шерзод Бин

Шерзод Бин тахаллуси билан ижод қилган комик актёр Шерзод Саидалиев ҳам санъатни бутунлай тарк этган. У айни кунларда онаси ва турмуш ўртоғи билан бирга АҚШда истиқомат қилади.

Фото: Instagram / @sherzod.саидалиэв1

Фото: Instagram / @sherzod.саидалиэв1

— 12 йиллик ижоддан воз кечишим осон бўлмади. Аммо ҳаётимдаги кутилмаган вазият сабаб, шундай қилишим тўғри эканини англадим. Оддий инсон бўлиб яшаш мазза, қалбда ҳаловат бор, — дейди Шерзод Саидалиев.У бир неча дўстлари билан кичик емакхона ташкил этган. Бир муддат нонвойчилик билан ҳам шуғулланган.

Мадина Мумтоз

Хонанда ва актриса Мадина Мумтоз ҳам санъатни бутунлай тарк этган. У турмуш ўртоғининг талаби билан фақат аёллар иштирок этадиган тўйларда қўшиқ куйларди. Аммо бир йилдан буён бундай тўйларда ҳам иштирок этмаяпти.

Фото: Instagram / @madinamumtoz

Фото: Instagram / @madinamumtoz

— Асосий вазифам фарзанд тарбияси. Кўпроқ вақтимни улар билан бирга ўтказишга ҳаракат қиламан. Ошпазлик курсларим эса севимли машғулотим, — дейди Мадина Мумтоз.

Мадина Мумтознинг ошпазлик курслари онлайн тарзида ўтса-да, унга талаб ниҳоятда юқори. Шу билан бирга унинг «Осиё султон» номли келин кўйлаклари салони ҳам бор.

Севара

<strong>Фото: Instagram / @maryam_safinalove</strong>

Фото: Instagram / @maryam_safinalove

Хонанда Севара ўзбек шоу-бизнесида ёниб чиққан хонандалардан бири эди. Афсуски унинг ижоди узоққа чўзилмади. У оила қуриб, фарзандли бўлгач санъатни тарк этди.

У айни кунларда Safina исмли қизалоғининг парвариши ва Марям номли интернет дўконининг фаолияти билан банд.

Эркин Худойқулов

«Беш ўғил» қўшиғи билан тингловчиларга яхши таниш бўлган хонанда Эркин Худойқулов хонандалик соҳасидан кетиб, бир неча йил раҳбар лавозимида фаолият юритди.

Фото: Instagram / @erkinjon_xudaykulov

Фото: Instagram / @erkinjon_xudaykulov

— Тошкент шаҳри Чилонзор тумани Маданият бошқармасида, ундан кейин Сирдарё вилояти Маданият бош бошқармасида раҳбари лавозимида ишладим. Ҳозир эса эркин ижодкор бўлиш тарафдориман. Чарчадим, — дейди Эркин Худойқулов.

Достон Убайдуллаев

Фото:Instagram / @2doston_ubaydullaev

Фото:Instagram / @2doston_ubaydullaev

Хонанда Сардор Раҳимхоннинг хайрли лойиҳаларига бош қўшган ҳамкасби Достон Убайдуллаев ҳам кўп ўтмай санъатни бутунлай тарк этди. Хонанда билан боғланиб, нималар билан бандлигига қизиқдик. Аммо у ҳеч қандай тижорат иши билан шуғулланмаётгани ва илм ўрганаётганини маълум қилди.

Ирода Иралиева

Улуғбек Раҳматуллаев билан куйланган «Мини юбка-2» қўшиғи билан халққа танилган хонанда Ирода Иралиева ҳам санъатни бутунлай тарк этган. Айни дамда у уч фарзанднинг онаси ва гўзал оиланинг бекаси ҳисобланади.Собиқ хонанда интервьюларининг бирида узоқ йил бефарзанд бўлгани ва Ҳақ йўлини танлагач, Аллоҳ унга ўғил фарзанд инъом этгани ҳақида сўзлаб берганди. У бор эътиборини илм ўрганиш ва фарзандларининг тарбияси билан шуғулланишга сарфлаётганини билдириб ўтган.

Бону

Фото: «Дарё»

Фото: «Дарё»

«Қора тун» ва «Афсона» қўшиқлари билан танилган хонанда Бону ҳам аллақачон санъатни тарк этган. Айни машҳурлик чўққисига эришганда суд иши ва жиддий хасталиги боис унинг ҳаёти бутунлай ўзгариб кетган.

У соғайгач, машина ва кўчаларга кичик реклама эълонларини тарқатиш билан шуғулланадиган фирмага ишга кирган. Ҳозирда шу фирманинг кичик ҳисобчиси бўлиб фаолият юритади.

Мавзуга доир: 

Изоҳ
Асосий янгиликлар