Bugun,

  • USD 11014.01
  • RUB 191.8
  • EUR 10674.78

Xonanda Diyor Mahkamov san’atni tark etib, tadbirkorlik qilayotgani ko’pchilikka ma’lum. Ammo u birorta intervyusida buning sabablari haqida gapirishni istamagan. Jurnalist Nargiza Murodova  sobiq ijodkor bilan shular haqida suhbatlashishni istadi.

Foto: Diyorbek Mahkamovning shaxsiy arxividan

Foto: Diyorbek Mahkamovning shaxsiy arxividan

Ijoddan cheklanishingizning asosiy sababi nimada?

— Ijoddan chetlashganim yo‘q, butunlay tark etdim. Menimcha, inson qaysi kasbda omadliroq bo‘lsa va unda o‘zini baxtli his qilsa, o‘sha sohani tanlagani ma’qul. Shu bois hech ikkilanmay san’atdan ketishga qaror qildim. Chunki bu sohada o‘zim istagan natijani qo‘lga kiritolmadim.

Shuncha yillik mehnat va ijodingizga achinmadingizmi? Bundan tashqari, dadangiz ham sizga prodyuserlik qilib katta pul sarflagan edi?

— San’at oilamiz uchun bir hobbi edi. Inson ko‘ngil mayli uchun qilgan ishidan daromad topishni ko‘zlamaydi. Shou-biznesga qadam qo‘yganimdayoq menda san’atdan pul topish niyati bo‘lmagan. Agar niyatim shunday bo‘lganida boshqa yo‘lni tanlardim. Ya’ni piarlarga berilib, to‘y xizmatlaridan ortmasdim.

Ukangiz Elyor ham sizga havas qilib san’at yo‘lini tanlagandi. Uning ham san’atni tark etishida sizning hissangiz bormi?

Foto: Diyorbek Mahkamovning shaxsiy arxividan

Foto: Diyorbek Mahkamovning shaxsiy arxividan

— To‘g‘ri, ukam qo‘shiqchilikni  tark etdi, ammo filmlarda suratga tushib turibdi. U ham boshqa sohada faoliyat yuritgani bois san’atdagi daromad uni qiziqtirmaydi. U uchun ham ijod shunchaki hobbi.

O‘ttiz yoshdan keyin yangi kasbni egallash qiyin emasmi?

— Men hozir ota kasbimni davom ettiryapman. Bolalikdan bu kasbda ko‘zim pishgan desam ham bo‘ladi. Shunday bo‘lsa-da, bu ishni boshlab olishim oson kechmadi. Inson ko‘zlagan manziliga yetishda qoqiladi, turli qiyinchiliklarga duch keladi. Ammo qiyinchilik bilan erishilgan natija hamisha zavqli bo‘ladi. Ochig‘i, hech qachon tanlovimdan afsuslanmayman. Taqdirimga bitilgan har bir narsaga shukr qilaman. Eng muhimi, Alloh tanlagan yo‘limni xayrli qilsin, deb niyat qilaman.

Foto: Diyorbek Mahkamovning shaxsiy arxividan

Foto: Diyorbek Mahkamovning shaxsiy arxividan

Bilishimcha, Dubayda ko‘chib ketgan edingiz?

— Bu gapni ko‘pchilikdan eshityapman. Yaqinda bir inson “Turkiyada yashayotgan ekansizmi?” deb so‘rab qoldi. To‘g‘ri, karantindan avval bu davlatlarga tez- tez borib turardim. Boisi tijoratim u yer bilan bog‘liq. Ammo ona shahrim Toshkentdan ketganim yo‘q.

Foto: Diyorbek Mahkamovning shaxsiy arxividan

Foto: Diyorbek Mahkamovning shaxsiy arxividan

Diyor Mahkamov 1987-yilda Toshkent shahrida dunyoda kelgan. Ustozi Shuhrat Qayumov ko‘magida katta sahnaga chiqqan. Bir qator estrada yulduzlari bilan duet kuylagan. Manzura bilan kuylagan “Sen shoshmagin” dueti unga omad olib kelgan.

Izoh
Asosiy yangiliklar
Madaniyat
“Hayot bizni sinovga tashladi”. Sobiq “Ummon” guruhining xonandasi Jasur Rafiqovning saratonga chalingani aytilmoqda
Dunyo
Rossiyada safarbarlikdan bosh tortish bo‘yicha birinchi jinoyat ishi qo‘zg‘atildi
Dunyo
Shimoliy Koreya o‘zining raketa sinovlarini AQSH va Janubiy Koreya mashg‘ulotlariga “adolatli javob” deb atadi