Интернет кузатувчиларига Baby Mohi тахаллуси билан яхши таниш бўлган тиктокер ва инстаблогер Моҳларойим 22 июнь куни турмушга чиқди. Унинг никоҳ тўйи муҳташам Tashkent city’нинг ҳовлисида ўтказилди. Cover қўшиқлари билан машҳур бўлган Baby Mohi уч йиллик синовлардан сўнг Жасур Ҳурриятов билан оила қурди. Бу кун Моҳларойим учун қўшалоқ байрам бўлди. Яъни у никоҳ тўйи билан бирга таваллуд кунини ҳам нишонлади.
Унинг қўғирчоқ келин услубини маҳоратли стилист Азамат Зайниддинов яратди.
Baby Mohi турмуш ўртоғи Жасур Ҳурриятов билан 2019 йили танишган ва тўйдан аввал бизнес ҳамкорликни йўлга қўйишган. Келин-куёвлар бренд либослар савдоси билан ҳам шуғулланишади.
Шов-шувли тўйга таниқли блогерлар, вайнерлар ва санъаткорлар ташриф буюришди. Суратларга қараб, тўй ёшларбоп, кўтаринки кайфиятда ўтганини пайқаш қийин эмас.
Инстаблогер Озода Baby Mohi’га бежирим узук ҳадя этди.
Тўй нафис ва романтик руҳда ўтди. Келин-куёв «Сени Севиёрум» қўшиғига валсга тушишди.
Baby Mohi тўйида ҳам Instagram орқали жонли эфир ўтказди. Бундан ҳеч ким ажабланмаган бўлса керак. Ахир келин 1 миллион обуначига эга инстаблогер эканлигини кўпчилик билади-ку.
Baby Mohi’нинг келин образи кўпчиликка маъқул келди. Instagram кузатувчилари икки ёшга бахт тилашди.
Изоҳ (0)