Футбол бўйича Ўзбекистон Суперлигасининг 12-туридан ўрин олган «Сурхон» ва «Динамо» жамоалари ўртасидаги учрашув 18 июнь, шанба куни бўлиб ўтди.
Учрашувда ҳисоб 2-дақиқага келиб очилди, Бобур Акбаров бурчакдан оширилган тўпни боши билан дарвозага жойлаб, Термиз клубини олдинга олиб чиқди. 32-дақиқада Евгений Чумак мувозанатни тиклади. Ушбу вазиятда ҳам бурчак тўпидан унумли фойдаланилди. Учрашув сўнгида «Сурхон» фойдасига икки марта пенальти белгиланди. 11 метрлик жарима зарбаларини Абдулазиз Юсупов ва Бахтиёр Қосимов муваффақиятли амалга оширди — 3:1.
Шу тариқа «Сурхон» сафарда «Динамо» устидан ишончли ҳисобда ғалабага эришди ва очколари сонини 12 тага етказиб олди, жамоа 9-ўринни банд этган. Сўнгги ўриндаги «Динамо»нинг ҳисобида эса 6 очко мавжуд.
17 июнь куни «Локомотив» «Сўғдиёна»га енгилганди.
Суперлига
12-тур баҳси
18 июнь, шанба
«Динамо» — «Сурхон» 1:3
Голлар: 0:1 — 2 Акбаров, 1:1 — 32 Чумак, 1:2 — 76, пен. Юсупов, 1:3 — 90+2, пен. Қосимов.«Динамо»: 12. Милое Прекович, 5. Михайло Йованович, 10. Шоҳмалик Комилов, 11. Саҳоб Рашидов (97. Фахриддин Алимов, 70) 14. Шокир Йўлдошев, 15. Жўрабек Маннонов, 22. Абдужамол Исроилов (6. Иброҳим Йўлдошев, 70), 30. Жасурбек Умаров, 31. Сайдулло Раҳматов, 70. Ойбек Нурматов (7. Темурбек Исмаилов, 65), 88. Евгений Чумак.
«Сурхон»: 35. Шоҳрух Эшбўтаев ( 86. Даврон Мерганов, 38), 3. Бобуржон Акбаров, 4. Жавоҳир Соҳибов, 5. Серхио Родригес, 8. Бахтиёржон Қосимов, 10. Муродбек Бобожонов, 19. Нуриддин Ҳасанов (26. Улуғбек Абдуллаев, 79), 23. Абдулазиз Юсупов (2. Зоир Жўрабоев, 85), 33. Тоҳиржон Шамсиддинов, 66. Беҳруз Шайдулов, 99. Камрон Саидазимов ( 6. Жаҳонгир Аҳмадов, 85).
Огоҳлантириш: Тоҳир Шамсиддинов («Сурхон») 9, Бахтиёр Қосимов («Сурхон») 26, Жўрабек Маннонов («Динамо») 45+7, Мурод Бобожонов («Сурхон») 45+7.
Изоҳ (0)