Франция Бирлашган Араб Амирликлари билан нефть ва дизель ёқилғиси етказиб бериш бўйича музокаралар олиб бормоқда, чунки у Россиянинг энергия манбаларига муқобил вариантларни қидирмоқда. Бу ҳақда мамлакат молия вазири Бруно Ле Маире хабар берди.
Бирлашган Араб Амирликлари билан музокаралар олиб борилмоқда. Биз Россия нефтига муқобил топишимиз керак, — деди Ле Маире Europe 1 радиосига.Вазирнинг таъкидлашича, Франция мамлакат мустақиллигини ошириш учун денгиздаги шамол станциялари орқали тоза энергияга ўтишга сармоя киритишни тезлаштиришмоқчи.
Европа Иттифоқи етакчилари ўтган ҳафта Россия нефтига қисман тақиқ қўйишга келишиб олди ва бу олтинчи санкциялар пакетига йўл очиб берди.
Франция президенти Эммануэль Макрон келишув натижасида йил охиригача Россиянинг Европа Иттифоқига нефть импорти тахминан 92 фоизга қисқаришини айтди. Шунингдек, у Россия газига эмбарго киритилишини истисно қилмаслик кераклигини таъкидлади.
Аввалроқ Осиё биринчи марта Россиядан сотиб олинган нефть ҳажми бўйича Европани ортда қолдиргани ҳақида хабар берилган эди.