Футбол бўйича ЖЧ—2022 нинг ўтиш ўйинида Уэльс ва Украина терма жамоалари 5 июнь, якшанба куни ўзаро тўқнаш келди.
Учрашувнинг 34-дақиқасида уэлсликлар олдинга чиқиб олди: Андрей Ярмоленко ўз дарвозасини ишғол қилиб қўйди. Қолган вақтда ҳисоб ўзгармади.
Шу тариқа ушбу ғалаба орқали «аждарлар» Қатарда ўтадиган Жаҳон Чемпионати финал босқичига йўл олди. Уэльс ЖЧ—2022 B гуруҳида Англия, АҚШ ва Эронга қарши баҳс олиб боради.
Ўтиш ўйинлари ярим финалида Уэльс терма жамоаси Австрияни ортда қолдирган бўлса, Украина Шотландиядан устун келганди.
ЖЧ—2022 саралаши
Ўтиш ўйинлари, финал
5 июнь, якшанба
Уэльс — Украина 1:0
Гол: 1:0 – 34, автогол Ярмоленко.Уэльс: Ҳеннесси, Робертс, Дэвис, Родон, Ампаду, Уильямс, Рэмзи, Аллен, Бэйл (Уилсон, 83), Мур, Жеймс (Жонсон, 71).
Украина: Бушчан, Караваев, Матвиенко, Забарний, Миколенко, Ярмоленко, Циганков (Мудрик, 77), Степаненко (Сидорчук, 70), Малиновский (Шапаренко, 70), Зинченко, Яремчук (Довбик, 77).
Огоҳлантиришлар: Аллен (2), Жеймс (3), Миколенко (32).
Изоҳ (0)