Ushbu taklif kichik va o‘rta korxonalarga (KO‘K) ZoodPay tomonidan tanlangan savdo kompaniyalari tovar zaxiralarini 1 oygacha muddatda moliyalashtirish orqali o‘z aylanmasini sezilarli darajada oshirish imkonini beradi.
Moliyaviy ko‘mak vaqt o‘tishi bilan boshqa bozorlarga ham yo‘naltirilishi rejalashtirilgan.
Toshkent, O‘zbekiston — 20-may 2022-yil
Yaqin Sharq va Markaziy Osiyodagi elektron tijorat bo‘yicha yetakchi raqamli onlayn kreditlash platformasi — ZoodPay O‘zbekistonda o‘z mijozlari uchun KO‘K tovar zaxiralarini moliyalashtirish bo‘yicha dasturni muvaffaqiyatli ishga tushirdi. Dastur kompaniyaning mavjud takliflariga qo‘shimcha ravishda taqdim etiladi, ya’ni foizsiz 4 ta to‘lovli muddati to‘lovga va 12 ta to‘lovgacha bo‘lgan foizli muddati to‘lovlarga. KO‘K tovar zaxiralarini moliyalashtirish vaqt o‘tishi bilan ZoodPay’ning boshqa bozorlarida ham amalga oshiriladi.
Yangi taklif doirasida ZoodPay kichik va o‘rta korxonalarga kompaniya tomonidan tanlangan sotuvchilar uchun 1 oygacha muddatda tovar zaxiralarini moliyalashtirish orqali o‘z onlayn bizneslarini rivojlantirish imkoniyatini beradi. Shu bilan birga, kompaniya bepul omborga joylashtirish, bepul onlayn kontent yaratish, bepul qadoqlash va buyurtmalarni qayta ishlash va bajarish hamda elektron logistika yechimlari maxsus punkti yordamida eshikkacha yetkazib berish xizmatlarini taklif etadi. Korxonalar moliyalashtirilgan tovarlarni ZoodPay omboriga yuboradi, u yerda ulardan mijozlarning joriy qarzlarini hisobga olgan holda garov sifatida foydalaniladi. Biroq bunday tovarlar “muzlatilmaydi”. Ular onlayn tarzda sotiladi: qarz ushbu tovarlarni sotish orqali qoplanadi. Bu Zood’ning barcha savdo maydonchalari uchun o‘ziga xos dasturi bo‘lib, KO‘K elektron tijoratini rivojlantirishni rag‘batlantirishga mo‘ljallangan. ZoodMall platformasida 3 oy davomida muvaffaqiyatli savdo qilgandan so‘ng kompaniya o‘z mahsulotlarini moliyalashtirish uchun ariza topshirishi, kerakli hujjatlarni yuborishi va ZoodPay bilan shartnoma tuzishi mumkin.
ZoodPay’ning KO‘K tovar zaxiralarini moliyalashtirish bo‘yicha taklifi korxonalarga ko‘proq tovarlarni onlayn sotish orqali aylanma kapitalini ko‘paytirishga yordam berishi kutilmoqda. ZoodPay va ZoodMall bosh direktori Maykl Xoy shunday izoh berdi: “Bizning vazifamiz — iste’molchilar va ishbilarmonlar uchun to‘lov yechimlarining moslashuvchanligi va qulayligini doimiy ravishda oshirish. O‘ylaymizki, bizning so‘nggi taklifimiz mahalliy banklarning KO‘K’ga kredit ajratish bo‘yicha qiziqishi pastligini inobatga olgan holda, KO‘K uchun moliyaviy xizmatlarga keng kirishni ta’minlash bo‘yicha konsepsiyamizni amalga oshirishga katta hissa qo‘shadi. Banklarning tegishli qat’iy garovsiz qarzlar taqdim etish bilan bog‘liq ichki qiyinchiliklarini va mijozlar bilan o‘zaro munosabatlarning murakkab siklini hisobga olgan holda, KO‘K’ni moliyalashtirish hajmi juda past, berilgan kreditlar soni bitta edi”.
“Yetkazib beruvchilarni izlashdan tortib omborga joylashtirishi, yig‘ish, qadoqlash va yetkazib berishgacha bo‘lgan butun jarayonni nazorat qilish uchun biz umumiy taklifimizga elektron logistikani kiritdik. Biz chegara va rivojlanayotgan moliyaviy bozorlarda sotuvchilar va iste’molchilarning barcha ehtiyojlarini qondiradigan, ishonchli, raqamli, universal elektron logistika texnologik platformasini yaratdik va ushbu qarorlar bozorlarimizda ijobiy natija berishiga umid qilamiz”, — deya taklif etdi Xoy.
ZoodPay O‘zbekiston, Iroq, Iordaniya, Livan, Qozog‘iston va Pokistonda faoliyat olib boradi, ularning umumiy aholisi 300 million kishidan ortadi. Ushbu bozorlarda iste’molchilar va kompaniyalar aholining qamrab olinmagan qismini tashkil etishi bilan farq qiladi: ular 18 yoshdan 40 yoshgacha bo‘lgan yosh, tajribali internet foydalanuvchilari, ular mobil aloqaning yuqori darajasiga ega. Bundan tashqari ushbu bozorlarda ko‘plab kichik va o‘rta korxonalar (5 milliondan ortiq) mavjud. Shuningdek, ushbu bozorlarda, odatda, kapitalning noto‘g‘ri taqsimlanishi kuzatiladi (ko‘pincha davlat yoki davlat tashkilotlari darajasida qoladi), bu KO‘K’ning ham, jismoniy shaxslarning ham kredit tarixi yo‘qligini anglatadi.
Bugungi kunga qadar ZoodPay yetakchi global va strategik investorlar, jumladan, Zain — Yaqin Sharq va Shimoliy Afrika mintaqasidagi yetakchi telekommunikatsiya kompaniyasi, Sturgeon Capital London venchur fondi va boshqa asosiy strategik investorlar ko‘magida 50 million dollar yig‘di. Kompaniya moliyalashtirishning yangi bosqichini tayyorlamoqda. Shu bilan birga olingan mablag‘larning bir qismi mamlakat tarixidagi moliyaviy texnologiyalar sohasidagi birinchi qo‘shib olish va qo‘shilib ketish bitimi doirasida, Tez Financial Services’ni sotib olgandan so‘ng ZoodPay’ning Pokiston bozoridagi ishtirokini yanada kengaytirishni moliyalashtirishga yo‘naltiriladi.
ZoodPay elektron tijorat kreditlashning ekotizimi fintek, marketpleys va elektron logistikani o‘z ichiga oladi. Bunday ekotizim Yaqin Sharq, Markaziy Osiyo, Xitoy, Yevropa va Turkiyadagi savdo kompaniyalarini imkoniyatlarni kengaytiradi va mahalliy, borish qiyin bo‘lgan va tez rivojlanayotgan bozorlarda qo‘shimcha xarajatlar va to‘lovlarsiz o‘z do‘konlarini ochishga undaydi. ZoodPay 7 million mahsulot va 30 000 sotuvchiga ega bo‘lgan savdo maydonchasidan foydalanadi, bu esa zarur tovar aylanmasini yaratish va yangi sotuvchilarni jalb qilish imkonini berdi.
Reklama huquqi asosida.
Izoh (0)