Тунги кремни кундуз пайти юзга сурса нима бўлади? Дерматолог жавоб беради

Кўпчилик тери парвариш қилиш воситаларининг намлантирувчи, озиқлантирувчи, тозаловчи каби хусусиятларига эътибор қаратишга ўрганиб қолган. Бироқ баъзи компаниялар ҳали ҳам «кундузги крем» ва «тунги крем» атамаларини қўллайди. Дерматолог Мария Полнер «Жиза» YouTube канали муаллифларига берган интервьюсида, куннинг исталган вақтида бундай маҳсулотлардан фойдаланишдан олдин унинг таркиби билан танишиш муҳим эканлигини таъкидлади, деб ёзади Grazia.

«Чунки кўпинча кремларни ‘кундузги’ ва ‘тунги’га ажратиш маркетингга хос ҳаракатларнинг биридир. Аммо баъзида маҳсулот қуёш билан алоқа қилмаслиги керак бўлган фаол моддаларни ўз ичига олади. Мисол учун, агар таркибда ретинол ёки C витамини бўлса, улар таъсирчанликни ошириши мумкин. Натижада бу каби маҳсулотларни юз терисига қўллаб, кейин ташқарига чиқишга тўғри келса, тери куйиши мумкин», — дейди эксперт.

Шунингдек, Мария Полнер балчиқли ванналар фойдалими ва улар терига қандай таъсир қилади, деган саволга ҳам жавоб берди. Дерматологнинг сўзларига кўра, бу муолажа атопик дерматит ва псориаз билан курашишга ёрдам беради. Бироқ бундай касалликларни даволашнинг янада самарали усуллари мавжуд.

Қолаверса мутахассис барча тери ҳам алоҳида парваришга муҳтож эмаслиги ҳақида ҳам айтиб ўтди. Оддий тери турига эга бўлган омадли инсонлар парваришда тўғри тозалаш ва намлаш, шунингдек, қуёшдан ҳимоя қилиш билан кифояланиши мумкин.