Бугун,

  • USD 11014.01
  • RUB 191.8
  • EUR 10674.78

Амалдаги Ўзбекистон Республикаси Конституцияси билан бир қанча ислоҳотларни амалга ошириб бўлмайди. Бу ҳақда Сенат раисининг биринчи ўринбосари Содиқ Сафоев журналистларга берган интервьюсида айтиб ўтди.

Содиқ Сафоевнинг таъкидлашича, йирик ислоҳотларни амалга ошириш учун Конституцияни ўзгартириш шарт.

«Биз ниҳоятда катта, фундаментал ислоҳотлар ва ўзгаришлар бўсағасида турибмиз. Ишонаманки, бунинг амалга ошиши биринчи навбатда Конституциянинг ўзгариши билан боғлиқ. Бугун, 1992 йилда қабул қилинган Конституцияга амал қилган ҳолда бу ислоҳотларни рўёбга чиқариш имконсиз. Масалан, ҳамма айтадиган масала — инвестициялар, иқтисодиётимизнинг ривожланиши ер ислоҳоти билан боғлиқ. Аммо амалдаги Конституция бунга тўсиқ бўлиб турибди. Хусусий мулк, инсон ҳуқуқларини кафолатлаш каби масалаларнинг барчаси конституцион ўзгаришларни талаб қилади», – деди Сенат расмийси.

Фото: Содиқ Сафоев

Фото: Содиқ Сафоев
«Дарё« / Дилруҳ Исомиддинова

Унинг қўшимча қилишича, халқ учун энг муҳими марказий эмас, маҳаллий ҳокимиятдир.

«Маҳаллий кенгашлар халқнинг кунлик ишларини ҳал қилади. Қачонгача ҳоким ҳам ижроия ҳокимиятни, ҳам вакиллик ҳокимиятини раҳбари бўлиши керак? Бу нотўғри. Конституция ушбу масалани ечиб қўйиши лозим. Конституция – асосий қонун», – деди у.

Аввалроқ Содиқ Сафоев Ўзбекистон қонунлари тўғридан-тўғри амал қилмаслиги ва бу эскидан қолган удумлигини айтганди. Шунингдек, Сенат раиси ўринбосари ҳозирда кун тартибидаги энг муҳим масала — давлат ҳокимиятининг аҳоли олдидаги жавобгарлигини таъминлаш эканига тўхталган.

Изоҳ
Асосий янгиликлар