Хотира ва қадрлаш куни арафасида ERIELL Group компанияси Тошкентда Иккинчи жаҳон уруши фахрийларини қутлади.
Ҳар йили ERIELL компаниялар гуруҳи Ўзбекистон Республикаси вилоятлари бўйлаб Иккинчи жаҳон уруши қатнашчиларини Хотира ва қадрлаш куни билан табриклайди. Бу йил анъанага кўра, муҳим байрам арафасида ERIELL вакиллари Ўзбекистон Республикаси Мудофаа вазирлиги ходимлари ҳамда Қуролли Кучлар академияси ҳарбий оркестри ҳамроҳлигида, Тошкентдаги 33 нафар Иккинчи жаҳон уруши қатнашчисини байрам билан табриклади.
Ўзбекистонда Хотира ва қадрлаш кунида ҳар бир оила ўз қаҳрамонларини ёдга олади. Ўша машъум кунлар ҳеч бир ўзбек хонадонини четлаб ўтмади, Иккинчи жаҳон уруши йилларида 1.5 миллион ватандошимиз фронтга отланди. Уларнинг 500 000 таси ҳалок бўлди ёки дом-даракциз йўқолди. Уларнинг кўпчилиги ҳарбий хизматга кўнгилли бўлиб кириб, уруш тугагандан кейин ўз юртида уруш оқибатларини тугатиш йўлида фидокорона меҳнат қилдилар.
Афсуски, йилдан йилга ватанимизнинг мусаффо осмони ва тинч ҳаёти учун миннатдорчилик билдиришимиз керак бўлган инсонлар сафи камайиб бормоқда.
Анна Георгиевна Каримова уруш ва ўз қуролдошлари ҳақида эслаганда кўз ёшларини тўхтата олмайди. Ўша даҳшатли кунлар тугаганига ҳам 77 йил бўлибди, аммо ёшгина ҳалок бўлган дўстлар хотираси ҳамон юракка оғриқ беради. Уруш бошланганда Анна 17 ёшда эди. Бугун Анна Георгиевна бир асрлик ёш бўсағасида турибди, бироқ унинг юрагида ҳамон ўша уруш ёшлигини куйдирган ёшгина қизалоқ яшайди. ERIELL Group’дан келаётган меҳмонлар ҳақида эшитган Анна Георгиевнанинг набирасига берган биринчи саволи ҳам ўзининг кўриниши қандай эканлиги тўғрисидаги савол бўлди. Бу учрашув ҳиссиётга бой ва ҳаяжонли бўлди, Анна Каримова ўз меҳмонларига кўп нарса ҳақида сўзлаб берди, ўтмишни ёдга олиб кўзлари ёшланди, бугунги кун ҳақида сўзлаб табассум қилди, меҳмонларнинг мақтовларига шодон кулиб, жавоб берди. Шу ерда барча ҳозир бўлганлар учун у аёллик нафосати ва қаҳрамонлик тимсоли эди.
Бу йил Хотира ва қадрлаш куни билан табрикланган инсонларнинг аксарияти уруш бошланганда жуда ёш, навқирон бўлган. Бу қисқа байрам учрашувларида уларнинг ҳар бири уруш қанчалик инсонни ўзгартириб юборгани тўғрисида сўзлади. Фахрийлардан бири 18 ёшида ўз қуролдошлари учун уларнинг оилаларига «қора хат» ёзганини алам билан хотирлайди. Бошқалар учун эса госпиталда яраланганларнинг оҳу-нолалари, уларнинг оилалари тўғрисидаги сўзлари ҳамон қулоқларида жаранглайди. Улар агар урушдан қайтмаса, яқинлари қанчалик қийналишини сўзлардилар.
Кўзларда ёш билан нишонланадиган бу байрам кунлари фахрийлар учун, оилавий байрам дастурхони учун совғалар келтирган, таъсирчан ҳикояларни тинглаб, соғлик тилаган ва чин юракдан миннатдорлик билдирган ERIELL Group ходимлари учун ҳам катта аҳамиятга эга. Уларнинг метин иродаси, авлоддан-авлодга ўтиб келаётган хотира, уларнинг пок виждони ва қадри, тинч осмон остида яшаш имконияти учун улардан ҳар қанча миннатдор бўлсак ҳам оз.
ERIELL Group Хотира ва қадрлаш куни билан қутлайди. Сизга мустаҳкам соғлик, фаровонлик, тинч ва мусаффо осмон, Ўзбекистоннинг ёрқин истиқболига ишонч тилаб қоламиз.
Қаҳрамонларимиз ва уларнинг ватанимиз тинчлиги ва озодлиги йўлидаги жасорати ҳеч қачон унутилмайди.
Реклама ҳуқуқи асосида.
Изоҳ (0)