АПЛ. «Арсенал» ўз майдонида аутсайдер устидан қийин ғалабага эришди
Футбол бўйича Англия Премьер Лигасининг 36-туридан ўрин олган ўйинлар 8 май, якшанба куни бўлиб ўтди.
«Арсенал» ўз майдонида «Лидс»ни қабул қилди. Учрашувнинг 5 ва 10-дақиқаларида Эдвард Нкетиа гол уриб, «Арсенал» ҳисобда олдинга олиб чиқди. 66-дақиқада Диэго Льоренте ҳисобни қисқартирди. Қайд этиб ўтиш жоиз, меҳмонлар 27-дақиқадан бошлаб, бир киши кам бўлиб ҳаракат қилди. «Лидс» таркибида Лук Эйлинг қизил карточка олиб майдонни тарк этди.
Ушбу ғалабадан сўнг лондонликлар очколари сонини 66 тага етказиб, 4-ўринни мустаҳкамлади. «Лидс» эса 34 очко билан 18-поғонадан жой олган.
АПЛ
36-тур баҳслари
8 май, якшанба
«Арсенал» – «Лидс» 2:1
Голи: 1:0 – 5 Нкетиа, 2:0 – 10 Нкетиа, 2:1 – 66 Льоренте.«Арсенал»: Рэмсдейл, Соареш, Ҳолдинг, Габриэль, Томиясу, Джака, Эл-Ненни, Эдегор, Нкетиа (Ляказет, 90+2), Мартинелли (Смит-Роу, 78), Сака (Пепе, 68).
«Лидс»: Меле, Эйлинг, Льоренте, Кох, Фирпо, Клих (Бейт, 46), Fillips, Ҳаррисон, Жеймс, Рафинья (Родриго, 60), Гелҳардт (Стрейк, 29).
Огоҳлантиришлар: Габриэль (16), Рафинья (27), Клих (34), Томиясу (64).
Четлатиш: Эйлинг (27).
