АҚШнинг Аризона штатида Тошкент вақти билан 8 май тонгида UFC 274 мусобақаси бўлиб ўтди.
Мусобақанинг асосий жанги Жастин Гэтжи ва Чарльз Оливейра ўртасида кечди. Жанг биринчи раунддаёқ ўз ниҳоясига етди. Аввалига Гэтжининг ўта кучли зарбасидан сўнг Чарльзнинг қоши ёрилди ва мувозанатдан ҳам чиқиб кетди. Бироқ тезда ўзига келган Оливейра аввалига кучли зарбаси билан Гэтжини партерга қулатди, сўнгра бўғиш усули орқали рақибини таслим қилди.
Ушбу ғалаба орқали Оливейра енгил вазн тоифасидаги чемпионлик камарини вакант қолдирди. Бунгача Оливейра мазкур вазн чемпиони ҳисобланарди. Бироқ, у вазн меъёрини бажара олмагани сабабли камаридан маҳрум бўлди.
Мусобақадаги яна бир муҳим жанглардан бири Тони Фергюсон ва Майкл Чендлер ўртасида бўлиб ўтди. Чендлер иккинчи раунд бошида ўзининг оёқдаги кучли зарбаси билан Тони Фергюсонни нокаутга учратди.
Жанглар видеосини бу ерда томоша қилиш мумкин — ҳавола.
Асосий кард
- Чарльз Оливейра Жастин Гэтжини бўгиш усули орқали биринчи раундда таслим этди;
- Карла Эспарза Роуз Намаюнас устидан очколар ҳисобида ғалаба қозонди ва чемпионликни қўлга киритди;
- Майкл Чендлер 2-раундда Тони Фергюсонни нокаутга учратди;
- Овинс Сен-Прё очколар ҳисобида Маурисиу Руадан устун келди;
- Ренди Браун очколар ҳисобида Калин Уильямсдан устун келди;
- Франциску Триналду очколар ҳисобида Дэнни Робертсни ютди;
- Мейси Чиассон очколар ҳисобида Норма Дюмонни ютди;
- Брендон Ройвел 1-раундда сабмишен орқали Мэтт Шнелни ютди;
- Благой Иванов очколар ҳисобида Маркус Рожериу де Лимани ютди;
- Андре Фиалё 1-раундда Камерон Ванкампни нокаутга учратди;
- Трейси Кортес очколар ҳисобида Мелисса Гаттони ютди;
- Сижей Вергара очколар ҳисобида Клейдсон Родригесни ютди;
- Лупита Годинес очколар ҳисобида Ариан Карнелоссини ютди;
- Жорни Нюсон очколар ҳисобида Ферни Гарсиани ютди;
Изоҳ (0)