Futbol bo‘yicha Angliya Premyer Ligasining 36-turidan o‘rin olgan o‘yinlar 8-may, yakshanba kuni bo‘lib o‘tdi.
“Arsenal” o‘z maydonida “Lids”ni qabul qildi. Uchrashuvning 5 va 10-daqiqalarida Edvard Nketia gol urib, “Arsenal” hisobda oldinga olib chiqdi. 66-daqiqada Diego Lyorente hisobni qisqartirdi. Qayd etib o‘tish joiz, mehmonlar 27-daqiqadan boshlab, bir kishi kam bo‘lib harakat qildi. “Lids” tarkibida Luk Eyling qizil kartochka olib maydonni tark etdi.
Ushbu g‘alabadan so‘ng londonliklar ochkolari sonini 66 taga yetkazib, 4-o‘rinni mustahkamladi. “Lids” esa 34 ochko bilan 18-pog‘onadan joy olgan.
APL
36-tur bahslari
8-may, yakshanba
“Arsenal” – “Lids” 2:1
Goli: 1:0 – 5 Nketia, 2:0 – 10 Nketia, 2:1 – 66 Lyorente.“Arsenal”: Remsdeyl, Soaresh, Holding, Gabriel, Tomiyasu, Djaka, El-Nenni, Edegor, Nketia (Lyakazet, 90+2), Martinelli (Smit-Rou, 78), Saka (Pepe, 68).
“Lids”: Mele, Eyling, Lyorente, Kox, Firpo, Klix (Beyt, 46), Fillips, Harrison, Jeyms, Rafinya (Rodrigo, 60), Gelhardt (Streyk, 29).
Ogohlantirishlar: Gabriel (16), Rafinya (27), Klix (34), Tomiyasu (64).
Chetlatish: Eyling (27).
Izoh (0)