Алишер Усмонов Европа Иттифоқи томонидан жорий этилган санкциялар рўйхатига тушгани бўйича апелляция берди. Бу ҳақда Bloomberg хабар берди.
Тадбиркор қарор чиқмагунча санкцияларни тўхтатиб туришни сўраган.
Bloomberg таъкидлашича, бундай суд ишлари йиллаб давом этиши мумкин ва камдан кам ҳолларда даъвогарлар учун муваффақият билан якунланади.
Масалан, Украинанинг собиқ президенти Виктор Янукович ва унинг ўғли 2020 йилда судда ғалаба қозонган бўлса-да, 2014 йилдан бери санкциялар рўйхатида қолмоқда.
Алишер Усмонов 28 февраль куни, Украинадаги уруш бошланганидан тўрт кун ўтиб, Европа Иттифоқининг санкциялари рўйхатига тушган эди.
Тадбиркор вакиллари бу шахсий санкциялар эканлигини ва улар Усмонов компанияларига таъсир қилмаслигини айтишган.
Аввалроқ Алишер Усмоновнинг бойлиги йил давомида 18,4 миллиард доллардан 11,5 миллиард долларгача камайгани ҳақида хабар берилган эди.