Тошкент халқаро аэропортида божхоначилар 300 минг доллардан ортиқ нақд хорижий валютани ноқонуний олиб чиқишга уринган икки кишини тўхтатиб қолди.
Давлат божхона қўмитаси томонидан эълон қилинган видеода улар пулларни дафтар варақлари орасига ва кийимларига яшириб ўтгани қайд этилган.
Маълумот учун, қонунчиликка кўра 100 миллион сўмгача эквивалентдаги нақд хорижий валютани Ўзбекистон ҳеч қандай рухсатномасиз олиб чиқиш мумкин. Шунингдек, 70 миллион сўмгача бўлган эквивалентдаги маблағлар учун декларация талаб қилинмайди.
Аввалроқ Тошкент халқаро аэропортида 286 минг доллардан ортиқ пулни норин, кабоб, пахлава каби егуликлар орасига яшириб, божхонадан олиб ўтилишининг олди олингани ҳақида хабар берилган эди.
Мавзуга доир: