UFC. Ислом Махачев америкалик рақибини 1-раунддаёқ нокаутга учратди

Тошкент вақти билан 27 февраль тонгида АҚШнинг Лас-Вегас шаҳрида UFC Вегас 49 мусобақаси бўлиб ўтди.

Мусобақанинг асосий жанги енгил вазн тоифасида вакиллари Ислом Махачев (22-1) ва Бобби Грин (29-13-1) ўртасида кечди. Биринчи раунддаёқ россиялик яккакурашчи рақибини техник нокаут эвазига таслим этди.

Қайд этиш керак, Махачев бу мусобақада Бенеил Дариуш билан жанг қилиши керак эди, бироқ Дариуш жароҳат сабаб беллашувда қатнаша олмайдиган бўлди.

MMA оқшомининг 10 та жангидан олтитаси муддатидан аввал якунланди.

Асосий кард

• Ислом Махачев 1-раунддаги техник нокаут эвазига Бобби Гринни ютди;
• Веллингтон Турман 2-раундда Михаил Циркуновни таслим этди;
• Прицилла Качоэйра ҳакамлар қарори билан Жи Еон Кимдан устун келди;
• Арман Сарукян 2-раундда техник нокаут билан Хоэл Альваресни енгди;
• Армен Петросян ҳакамлар қарорига кўра Грегори Родригес устидан ғалаба қозонди.

• Игнасио Бахамондес бўғиш усули билан 3-раундда Чжу Жунни енгди;
• Жозиане Нуньес ҳакамлар қарори билан Рамона Паскалдан устун келди;
• Терренс Маккинни 1-раундда сабмишен орқали Фарес Зиамни таслим этди;
• Жонатан Мартинес ҳакамлар қарорига кўра Алехандро Пересни ютди;
• Рамиз Браҳимаж 1-раундда сабмишен билан Майкл Гиллморни енгди;
• Карлос Эрнандес ҳакамлар қарорига кўра Виктор Алтамиранодан устун келди.