Ҳозир Ўзбекистонда UzAuto Motors етакчи бўлиб турибди. Миллионлаб мижозларга эга бўлган компания 2022 йилда амалга оширмоқчи бўлган ўз стратегиясини ишлаб чиқди.
Глобал миқёсдаги яримўтказгичлар танқислиги жаҳон бўйича навбатларни юзага келтирди. Бу эса бутун дунё бўйлаб автомобиль нархларининг ошиши ва ишлаб чиқариш ҳажмининг камайишига олиб келди.
Шундай вазиятда UzAuto Motors компанияси ўзига боғлиқ бўлмаган мавжуд муаммолар сабабли юзага келган, автомобилларга бўлган навбатларни камайтириш учун бир қанча ишларни амалга оширди. Жумладан:
- Lacetti, Cobalt, Damas автомобилларининг ишлаб чиқариш ҳажмини оширишга эришилди;
- импорт божларини камайтириш бўйича таклифлар ишлаб чиқилди;
- Lacetti ва Cobalt моделларига пул тўлаган мижозларга Nexia моделига ўзгартириб бериш таклиф қилинмоқда.
UzAuto Motors’нинг бу йилги режалари Ўзбекистон ва хориж шароитларини ҳисобга олиб ишлаб чиқилган бўлиб, унда экология хавфсизлиги, ҳамёнбоп нархлар, бўш иш ўринларини яратиш масалалари асосий ўрин тутади.
Мижозларга қулайлик яратиш мақсадида навбатларни камайтириш бўйича қилинаётган ишлар ҳам таҳсинга лойиқ. Компания бу борадаги ишларни аллақачон бошлаб юборган.
Реклама ҳуқуқи асосида.
Изоҳ (0)