Футбол бўйича Англия чемпионатининг 23-туридан ўрин олган «Манчестер Сити» ва «Саутҳэмптон» жамоалари ўртасидаги учрашув 22 январь, шанба куни бўлиб ўтди.

Фото: Getty Images

Беллашув тезкор гол билан бошланди, 7-дақиқада Кайл Уокер-Питерс «Саутҳэмптон»ни ҳисобда олдинга олиб чиқди. Жамоалар танаффусга шу ҳисобда йўл олди.

65-дақиқада Кевин де Брюйненинг жарима зарбасидан оширган тўпини Эмерик Ляпорт боши билан дарвозага йўллаб, «шаҳарликлар»ни мағлубиятдан қутқариб қолган голга муаллифлик қилди.

Шу тариқа Хосеп Гвардиола бошчилигидаги «Манчестер Сити» сафарда кечган баҳсда кутилмаганда очко йўқотди. Жамоа 56 очко билан мусобақа жадвалида пешқадамлик қилмоқда. «Саутҳэмптон» 24 очко билан 13-поғонани банд этган.

АПЛ

23-тур баҳси

22 январь, шанба

«Саутҳэмптон» – «Манчестер Сити» 1:1

Голлар: 1:0 – 7 Уокер-Питерс, 1:1 – 65 Ляпорт.

«Саутҳэмптон»: Форстер, Уокер-Питерс, Беднарек (Войнович, 71), Салису, Перро, Редмонд (Эльюнусси, 46), Армстронг (Диалло, 82), Ромеу, Уорд-Проуз, Адамс, Броя.

«Манчестер Сити»: Эдерсон, Уокер, Ляпорт, Рубен Диаш, Жоау Канселу, де Брюйне, Бернарду Сильва, Родри, Грилиш, Фоден, Стерлинг (Габриэль Жезус, 60).

Огоҳлантиришлар: Беднарек (33), Армстронг (79), Эльюнусси (90).