Ўзбекистонда 2021 йилда қайси ҳудудда энг кўп никоҳдан ажралиш қайд этилгани маълум бўлди

2021 йилда Ўзбекистонда 39 227 та никоҳдан ажралиш ҳолатлари қайд этилган. Бу ҳақда Давлат статистика қўмитаси хабар берди.

Маълум қилинишича, 2021 йилда энг кўп никоҳдан ажралиш ҳолатлари Тошкент шаҳрида — 5,6 мингта, Фарғона вилоятида 4,3 мингта қайд этилган.

Ҳар 1000 аҳолига нисбатан никоҳдан ажралиш коэффициенти бўйича энг юқори кўрсаткич Тошкент шаҳрида (2,0 промилле) ва Сирдарё вилоятида (1,6 промилле) кузатилган.

Шунингдек, 2021 йилда Ўзбекистон бўйича 305 082 та никоҳ ҳолатлари қайд этилган.

Аввалроқ Ўзбекистоннинг қайси вилоятида доимий аҳоли сони энг кўплиги маълум қилингани, 2021 йилнинг дастлабки 11 ойида 276,9 мингта никоҳ тузилгани, 2021 йил 1 декабрь ҳолатига кўра, Ўзбекистонда йил бошидан буён 832,4 минг нафар туғилиш ҳолати қайд этилгани тўғрисида хабар берилганди. Бундан ташқари, қўмита доимий аҳолининг ёш таркиби бўйича тақсимланиши ҳақида маълумот берганди. Келтирилган маълумотга кўра, Ўзбекистон аҳолиси сонида 0-4 ёшлилар энг кўп, 85 ва ундан катталар эса озчиликни ташкил этади.