«Ипак йўли» банки Нидерландиянинг тадбиркорликни ривожлантириш банки (FMO)дан Ўзбекистонда кичик ва ўрта бизнесни ривожлантириш учун қиймати 50 миллион АҚШ долларига тенг бўлган кредит маблағини жалб қилди.
Навбатдаги ҳамкорлик дастури доирасида ажратилган кредит маблағи мультивалюта кўринишида тақдим этилади, бу эса кредит маблағини АҚШ долларида ҳамда миллий валютада жалб этилиши мумкинлигини англатади.
FMO банкининг инвестициялар бўйича директори Уиб Ян де Рюйтер: «Биз ‘Ипак йўли’ банки билан кўп йиллик алоқаларимизни сўнгги юқори самарага эга келишув орқали мустаҳкамлашдан мамнунмиз. Ажратилаётган кредит маблағи асосан ‘яшил’ лойиҳаларни ҳамда молиялаштиришга эҳтиёжи бўлган ёш тадбиркорларни ва аёл табдиркорларни, қолаверса, қишлоқ хўжалиги ва микро секторда фаолият олиб бораётган тадбиркорларни молиялаштириш учун йўналтирилади. Бу эса ‘Ипак йўли’ банки миссиясининг бизнинг ‘Яшил молиялаштириш’ ҳамда ‘Тенгсизликни қисқартириш’ дастурларимизга мос келишидан далолат беради».
Имзоланган шартномага мувофиқ, банк кредит маблағини кичик ва ўрта бизнес соҳасидаги лойиҳаларни молиялаштиришга йўналтиради ва ўз навбатида энергия самарадорлигини, хусусан, қайта тикланувчи энергия манбалари самарадорлигини оширишга қаратилган лойиҳаларни қўллаб-қувватлашни режалаштирмоқда. Бундан ташқари, банк томонидан мамлакатдаги ёш тадбиркорлар, шунингдек, аёл тадбиркорлар фаолиятини ривожлантириш учун молия маблағи ажратилади.
«Эришилган мазкур келишув бизнинг ҳамкорлигимиз доирасида яна бир аҳамиятли воқеа саналиб, Ўзбекистоннинг иқтисодий тараққиётига ҳисса қўшади. Жалб қилинган кредит маблағи ‘Ипак йўли’ банкининг келгусидаги ривожига хизмат қилади ҳамда хусусий корхоналар орасида энергия ресурсларининг самарали фойдаланилишини таъминлашга салмоқли ҳисса қўшишга ёрдам беради. Шуни таъкидлаш жоизки, кредит маблағи туфайли банк ёш тадбиркорлар ва аёл тадбиркорлар раҳбарлиги остидаги хусусий корхоналарда янги иш ўринларининг яратилишга ёрдам беради», — изоҳлади банкнинг бошқаруви раиси Саидаброр Сайдахмедов.
«Ипак йўли» банкининг FMO билан ҳамкорлиги 2013 йилдан бошлаб мамлакатимизда кичик ва ўрта бизнесни ривожлантириш учун қиймати 13 миллион АҚШ долларига тенг бўлган кредит линиясининг тақдим этилишидан бошланган. Кейинги йилларда банклар ўртасида қиймати 78 миллион АҚШ долларига тенг бўлган яна 4 та кредит шартномалари имзоланган.
FMO
FMO — Нидерландия тадбиркорликни ривожлантириш банки. Етакчи инвесторлардан бири сифатида FMO ривожланаётган давлатлар ҳамда ривожланаётган бозорларда хусусий секторнинг барқарор ўсишини қўллаб-қувватлайди. FMO банкига кўра, кучли хусусий сектор иқтисодий ва ижтимоий ривожланиш асоси ҳисобланади ва у инсонларга ўз кўникмаларидан фойдаланиб, турмуш сифатини яхшилаш учун имконият яратиш борасида 50 йиллик иш тажрибасига эга. FMO диққатини ривожланишга катта таъсир кўрсатувчи учта секторга қаратади: молия институтлари, энергетика ва агробизнес, озиқ-овқат ва сув таъминот. У 85 та мамлакатни қамраб олган 9,3 миллиард еврога тенг портфел билан дунёдаги хусусий секторни икки томонлама ривожлантирувчи йирик банклардан бири ҳисобланади.
Қўшимча маълумот учун: www.fmo.nl
Реклама ҳуқуқи асосида.
Изоҳ (0)