Бугун,

  • USD 11014.01
  • RUB 191.8
  • EUR 10674.78

Ўзбекистон йўлларида содир бўлган бахтсиз ҳодисалар тафсилотларини тақдим этамиз.

Чилонзорда 8 та автомобиль ўзаро тўқнашди

Фото: ЙҲХББ

Фото: ЙҲХББ

2022 йил 7 январь куни соат 10:50 ларда Тошкент шаҳар Чилонзор тумани Бунёдкор шоҳкўчасида Ф.М. (1998 йилда туғилган) бошқарувидаги Malibu, И.П. (1988 йилда туғилган) бошқарувидаги Spark ва Д.А. (1983 йилда туғилган) бошқарувида бўлган яна бир Spark автомобили иштирокида ЙТҲ содир бўлган.

Тўқнашув натижасида ҳайдовчи И.П. бошқарувида бўлган Spark йўловчисига тез тиббий ёрдам кўрсатилган.

Шунингдек, 7 январь куни Чилонзор туманида, Чилонзор кўприги устида 5 та автомобиль (2 та Cobalt, Nexia, Lacetti ва Malibu иштирокида содир бўлган ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.

Наманганда «Газель» пиёдани уриб кетди

Фото: Наманган ИИБ

Фото: Наманган ИИБ

2022 йил 4 январь куни соат 20:30 ларда Наманган тумани Равнақ маҳалласи ҳудудида Наманган туманида яшовчи фуқаро (1995 йилда туғилган) «Газель» автомашинасини ишонч қоғози орқали бошқариб бораётиб, ҳаракат хавфсизлигини таъминлай олмай, йўлни кесиб ўтаётган пиёда Наманган туманида яшаган фуқарони (1961 йилда туғилган) уриб юборган.

Пиёда олган тан жароҳати оқибатида шифохонада вафот этган.

Ушбу ҳолат бўйича Наманган туман ИИБ ҳузуридаги ТБ томонидан 2022 йил 4 январь куни Жиноят кодексининг 266-моддаси 1-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.

Жиззахда Lacetti ва Cobalt тўқнашди

Жиззах вилояти Шароф Рашидов туманида 5 январь куни соат 02:00 ларда Тошкент–Термиз автомобиль йўлининг 998-километрида ҳайдовчи (1997 йилда туғилган) Lacetti автомобилини бошқариб кетаётганда шу йўналишдаги Cobalt’нинг орқа қисмига урилиб, ЙТҲ содир этган.

Оқибатда Lacetti йўловчиси бўлган аёл (1992 йилда туғилган) бош мия чайқалиши ва пешона суяги синиши ташхиси билан шифохонага ётқизилган.

Ҳозирда терговга қадар текширувлар давом этмоқда.

Изоҳ
Асосий янгиликлар