Фото: Буюк Британияда «арвоҳ камалак» ҳосил бўлди

Буюк Британияда Норфолк, Саффолк ва Эссекс графликлари аҳолиси 18 декабрь, шанба куни ноёб табиат ҳодисаси — рангсиз камалакга гувоҳ бўлди. Бу ҳақда BBC хабар берди.

Рангсиз камалак туманли шароитда ва қуёш нурларининг муайян тушиш бурчагида пайдо бўлади.

«Ҳали туман тарқамаган пайтда соҳил бўйлаб ерга яқин жойлашган булутлар қуёш нурларининг уларни ёриб ўтишига имкон берган. Бу эса туманли камалаклар учун идеал шароит яратган», — дейди синоптик Ден Холли.

Табиат ҳодисаси рангсиз бўлгани учун «арвоҳ камалак» деб ҳам аталади.