Футбол бўйича Германия чемпионатининг 15-туридан ўрин олган ўйинлар 11 декабрь, шанба куни бўлиб ўтди.
Мюнхенда «Бавария» «Майнц» билан баҳс олиб борди. Учрашувда меҳмонлар футболчиси Карим Онисиво ҳисобни очди. Мюненхликлар бунга 53-дақиқада Кингсли Коман, 74-дақиқада эса Жамол Мусиаланинг голлари билан жавоб қайтариб, ғалабани илиб кетди.
Ушбу ғалабадан кейин Юлиан Нагелсманн шогирдлари очколари сонини 37 тага етказди ва биринчи ўринни мустаҳкамлаб олди.
«Боруссия Д» «Бохум» меҳмони бўлди. Бохумликлар футболчиси Себастьян Польтер 40-дақиқада пенальтидан унумли фойдаланиб, ҳисобни очди. 85-дақиқага келиб, Юлиан Брандт мувозанатни тиклашга муваффақ бўлди.
«Боруссия Д» дуранг натижадан сўнг 31 очко билан иккинчи ўринда бормоқда.
Бундеслига
15-тур баҳслари
11 декабрь, шанба
«Бавария» –«Майнц» 2:1
Голлар: 0:1 – 22 Онисиво, 1:1 – 53 Коман, 2:1 – 74 Мусиала.«Бавария»: Нойер, Павар, Эрнандес (Зюле, 65), Упамекано, Дэвис, Толиссо (Рока, 65), Мусиала (Нянзу, 82), Мюллер, Левандовски, Коман, Сане (Гнабри, 65).
«Майнц»: Центнер, Видмер, Белл, Хак, Ниакате, Аарон Мартин, Ли Чже Сон (Боэтиюс, 64), Баррейро (Тауэр, 82), Штах (Штегер, 82), Онисиво (Небел, 75), Буркардт (Ингвартсен, 64).
Огоҳлантиришлар: Мусиала (27), Сане (36), Эрнандес (56), Штах (59), Хак (89), Штегер (90).
«Бохум» –«Боруссия Д» 1:1
Голлар: 1:0 – 40 Польтер (пенальти), 1:1 – 85 Брандт.«Бохум»: Риманн, Стафилидис, Машович, Ляйцҳ, Данило Соарес, Лосилла, Режбечай, Ҳолтманн (Бокхорн, 67), Польтер (Ганвула, 68), Пантович (Теше, 80), Антви-Аджей (Гамбоа, 80).
«Боруссия Д»: Кобел, Менье, Ҳуммелс, Загаду, Шулс, Жан, Дауд (Брандт, 68), Вольф (Азар, 68), Беллингем, Ройс, Ҳоланд.
Огоҳлантиришлар: Шулс (57), Ҳуммелс (58), Загаду (90).
Изоҳ (0)