Ўзбекистонлик футболчи Олег Зотеев тўп сурадиган «Чоннам Драгонс» жамоаси Жанубий Корея футбол ассоциацияси Кубоги соҳибига айланди.
Финалда Кей-Лига 2 да ўйнайдиган «Чоннам Драгонс» клуби олий дивизион вакили «Тегу» билан баҳс олиб борди ва 4:3 ҳисобида ғалаба қозонди. Учрашувдаги голлардан бирига ўзбекистонлик ҳимоячи Олег Зотеев муаллифлик қилди.
Кубок финалидаги ғалабадан сўнг «Чоннам Dragonс» 2022 йилги Осиё Чемпионлар Лигасида иштирок этиш ҳуқуқини қўлга киритди.
Олег Зотеев жамоаси финалга қадар «Поҳанг Стилерс», «Улсан Ҳюндай» каби жамоалар устидан ғалаба қозонганди.
Эслатиб ўтамиз, «Чоннам Драгонс» Кей-Лига 2 2021 йилги мавсумида 4-ўринни қўлга киритган ва ўтиш ўйинларида муваффақиятсизликка учраб, Кей-Лига 1 йўлланмасидан қуруқ қолганди.
Жанубий Корея ФА кубоги
Финал баҳси
11 декабрь, шанба
«Тегу» — «Чоннам Драгонс» 3:4
Голлар: 0:1 — 39 Парк Чан Ён, 1:1 — 41 Эдгар Сильва, 1:2 — 45+1 Жан Сён Же, 2:2 — 51 Эдгар Сильва, 2:3 — 55 Олег Зотеев, 3:3 — 67 Ниши, 3:4 — 83 Чон Же Ҳи.Четлатишлар: Ҳон Чон Ун (25) — Чон Ҳо Жин (76).
Изоҳ (0)