Президент Шавкат Мирзиёевнинг 2021 йил 26 мартдаги «Маънавий ва маърифий ишлар тизимини тубдан такомиллаштириш чора тадбирлари тўғрисида»ги қарори ҳамда Олий ва ўрта махсус таълим вазири А. Тошқуловнинг 12 ноябрдаги 476-сонли буйруғи ижросини амалга ошириш мақсадида бугун, 9 декабрь Андижон давлат университетининг катта мажлислар залида, Фарғона водийсидаги олий таълим муассасаларининг тюторлари (таълим-тарбия маслаҳатчилари) иштирокида семинар-тренинг бўлиб ўтди.
2 кунга мўлжалланган семинарни дастлаб университетнинг Ёшлар масалалари ва маънавий-маърифий ишлар бўйича проректор, филология фанлари номзоди А. Ҳамрақулов очиб берди ҳамда университет ректорининг тюторларга йўллаган мурожаатини ўқиб эшиттирди.
Шундан сўнг семинар-тренингни Андижон давлат университети фалсафа фанлар номзоди А. Эгамбердиев сўзга чиқиб, юртбошимизнинг «Янги Ўзбекистон стратегияси» китобининг мазмун-моҳияти, илм-фан, таълим-тарбия соҳасида қилинаётган ислоҳотлар Учинчи Ренессанснинг муҳим омили эканлигини, ёшларимиз бўш вақтини ижтимоий тармоқларда эмас, ахборот ресурс марказларида ўтказишлари кераклигини таъкидлаб ўтди.
Ушбу семинарда университет ўқув ишлари бўйича проректор Р. Муллажонов олий таълим тизимидаги ислоҳотлар, тюторлик фаолиятлари, кредит-модуль тизимида ўқув жараёнини режалаштириш ва ташкил қилиш бўйича фикрларини айтиб ўтди.
Семинарга Zoom дастури орқали иштирок этаётган Чирчиқ давлат педагогика институти проректори Б. Хусанов «Маҳалла — олий таълим муассасаси — оила» ўртасида ҳамкорлик масалаларига тўхталди ҳамда семинар-тренингда мамлакатимизда амалга оширилаётган ўзгаришлар, таълим-тарбия соҳасидаги ислоҳотлар, талаба-ёшлар орасида китобхонлик маданиятини ривожлантириш усуллари ва механизмлари, 5 ташаббус доирасида ишлаш, талабалар турар жойида ҳамда ижарада истиқомат қилувчи талабаларнинг яшаш шароитини ўрганиш тюторларнинг вазифалари эканлиги борасида сўз борди.
Шунингдек, университетга ташриф буюрган Тошкент давлат иқтисодиёт университети декан ўринбосари Ш. Эгамбердиев барча олий таълим муассасаларида тюторлар фаолияти йўлга қўйилганлиги ҳамда улар талабанинг таълим олишидаги муаммолари, уларнинг яшаш тарзи, ижарадаги хонадон эгаси шахсияти, талаба хавфсизлигининг таъминланганлик ҳолатини ўрганмоқда.
Ташкил этилган семинар-тренингдан кўзланган мақсадлар амалга оширилди. Тюторлар ўз вазифаларини янада чуқурроқ ўзлаштиришди. Шунингдек, тюторнинг талабалар билан индивидуал ва жамоавий ишлашини ташкил этиш механизмлари ўрганилди.
Реклама ҳуқуқи асосида.
Изоҳ (0)