2021 йил 1 декабрдан Ўзбекистонда алкоголь маҳсулотларининг янги энг кам улгуржи-сотиш ва чакана нархлари белгиланди. Ҳужжат Молия вазирлиги ва Давлат солиқ қўмитасининг 1 декабрдаги қарори билан тасдиқланган, деб хабар беради Norma. Минимал нархларнинг ўсиши пиво ичимлигига таъсир қилмайди.

Фото: «Дарё» / Мадина Нурман

1 литр маҳсулотнинг янги минимал нархлари (улгуржи-сотиш ва чакана нархлари):

  • вино, 1 литр тайёр маҳсулот учун чакана нарх — 12 000 / 14 200 сўм (олдин 11 200 / 13 200 сўм эди);
  • коняк, 1 литр тайёр маҳсулот учун чакана нарх — 48 200 / 57 800 сўм (олдин 41 000 ва 49 400 сўм эди);
  • ароқ ва бошқа алкоголли маҳсулотлар 1 литр тайёр маҳсулот учун чакана нарх — 30 200 / 36 200 сўм (олдин 28 600 / 34 400 сўм эди).

Маълумот учун, Ўзбекистонда спиртли ичимликлар учун минимал нархлар охирги марта шу йилнинг 20 мартида кўтарилган эди.

Эслатиб ўтамиз, 2020 йилнинг июль ойи охирларида «Алкоголь ва тамаки маҳсулотларини ишлаб чиқариш ва уларнинг айланмасини тартибга солиш соҳасида бошқарув тизимини такомиллаштириш тўғрисида»ги президент фармони қабул қилинганди. Фармон билан Ўзбекистонда алкоголь маҳсулотлари билан чакана савдо қилиш учун гувоҳнома чекланмаган муддатга берилиши белгиланган.