Бугун,

  • USD 11095.31
  • RUB 173.84
  • EUR 10772.44

Қамчиқ довонида 14 ноябрь куни кунинг иккинчи ярмида қор ёға бошлади. ЙҲХББ матбуот хизмати ҳолат акс этган видеони эълон қилди.

Бошқарма йўллар нам бўлганлиги сабабли сирпаниш ҳолатлари юзага келиши оқибатида кўнгилсиз ҳодиса содир бўлишининг олдини олиш мақсадида ҳайдовчиларни кескин тормоз бермасликка чақирди.

«Барча ҳайдовчилардан йўлларда оралиқ масофани сақлаб, қоидаларга риоя қилишларини, довон йўлидан ҳаракатланиб ўтувчилардан эса ўта эҳтиёткор бўлишларини сўраймиз», — дейилади ЙҲХББ хабарида.

Ижтимоий тармоқ фойдаланувчилари ҳам Қамчиқ довонида қор ёғаётгани акс этган видеоларни улашган.

Эслатиб ўтамиз, Ўзбекистонда ҳафта бошида ҳаво кескин совиб, қор ёғиши кутилмоқда. 16 ноябрь куни Ўзбекистоннинг шимолий ҳудудларига, 17—18 ноябрь кунлари республиканинг барча ҳудудига Волга бўйи орқали Россиянинг Европа ҳудуди (Москва вилояти) устида шаклланган нам ва совуқ ҳаво массаси кириб келади.

16—17 ноябрда республика бўйича шамол тезлиги 17-22 метр/секундгача кучайиши кутилмоқда. Баъзида 25-28 метр/секундгача кучайиши мумкин. Айрим ҳудудларда чангли бўрон бўлади.

16 ноябрда Қорақалпоғистонда, Хоразм вилоятида, 17 ноябрда Ўзбекистоннинг қолган ҳудудларида ёғингарчилик (ёмғир, қорга айланади) бўлади, 17—18 ноябрда тоғолди ва тоғли ҳудудларда ёғингарчилик (ёмғир, қор) баъзи жойларда кучли бўлади.

Изоҳ
Asosiy yangiliklar
Дунё
Европа газ истеъмолини камайтирмоқда
Маҳаллий
Тошкентда ёнғин оқибатида 2 киши ҳалок бўлди (видео)
Дунё
Украина 2 та аэродромга дронлар билан зарба беришга уринди — Россия Мудофаа вазирлиги