Бугун,

  • USD 11095.31
  • RUB 173.84
  • EUR 10772.44

Афғонистонда ҳокимият тепасига келган «Толибон» ҳаракати Кобулда бир неча ўн йиллар давомида фаолият юритиб келган тарихий «Ариана» кинотеатрини ёпишга қарор қилди. Бу ҳақда Los Angeles Times хабар берди.

Фото: AP Photo

Фото: AP Photo

Нашрнинг ёзишича, «Толибон» ҳинд, Европа ва Америка фильмлари кўпроқ намойиш этиладиган кинотеатрларнинг иши шариат қонунларига зид, деган хулосага келган.

Кинотеатр ходимлари унинг қайта очилишига умид қилиб ишга боришда давом этмоқда, аммо улар кўнгилочар фильмларни намойиш этишга рухсат берилади, деб ўйламайди. Қайд этилишича, ҳаракат вакиллари шаҳардаги яна бир қанча кинотеатрларни ҳам ёпган.

Аввалроқ Афғонистоннинг собиқ вице-президенти Амрулло Салоҳ «Толибон» жангариларини Нангарҳор вилоятидаги тўй маросимида мусиқа овозини ўчириш учун 13 кишини ўлдирганликда айблаганди. Afghan Voice Agency маълумотларига кўра, воқеа 29 октябрь куни«Толибон» жангарилари тўйда жонли мусиқа янграгани учун маросим иштирокчиларига қарата ўт очган.

Октябрь ойи бошида «Толибон» томонидан ташкил этилган Эзгуликни тарғиб қилиш ва иллатларни йўқотиш вазирлиги мамлакатда тўйларни ўтказиш учун қоидалар ўрнатганди, улардан бири маросим пайтида жонли мусиқа ижро этилишини тақиқлайди.

Шунингдек, толиблар Афғонистонда «шариатга амал қилинишини таъминлаш», «диний қоидаларни бажариш» ва «ижтимоий ислоҳотлар» билан шуғулланувчи ҳарбий трибунал тузган.

Изоҳ
Asosiy yangiliklar
Маҳаллий
Наманганда ижтимоий тармоқларда сўкинган аудиоси тарқалган туман ҳокимига ҳайфсан берилди
Маҳаллий
Туркиянинг TRT канали Лувр музейидан Катта Лангар Қуръони намойишига оид репортаж тайёрлади (видео)
Маҳаллий
Ковиднинг янги варианти болалар ва ҳомиладорларда қандай кечмоқда?