12 ноябрь куни Юнусобод туманидаги 4-иссиқлик марказининг электр энергияси таъминотида носозлик рўй бергани сабабли мазкур қозонхонадан иссиқ сув ва иссиқлик узатиш вақтинча тўхтатилди. Бу ҳақда Тошкент шаҳар ҳокимлиги матбуот хизмати хабар берди.
Таъкидланишича, бунинг оқибатида Юнусобод туманида тўлиқ, Олмазор ва Шайхонтоҳур туманларида эса қисман иссиқ сув ва иссиқлик таъминотида узилиш кузатилмоқда.
«Айни пайтда иссиқлик марказида юзага келган носозликни бартараф этиш ишлари олиб борилмоқда. Мутасаддилар соат 17:00 гача иссиқ сув ва кечки 00:00 га қадар иссиқлик таъминоти тўлиқ тикланишини маълум қилдилар», — дейилади хабарда.
«Тошиссиққуввати» ДУК юзага келган ноқулайликлар учун узр сўрайди.
Эслатиб ўтамиз, 5 ноябрь куни чанг бўрони сабаб юзага келган носозлик оқибатида Тошкентнинг катта қисми ичимлик сувисиз қолганди.
Изоҳ (0)