Бугун,

  • USD 11095.31
  • RUB 173.84
  • EUR 10772.44

Халқ таълими вазирлигининг Ҳайъат йиғилишида бюджет маблағларининг тўғри сарфланишини ташкил қилиш ва камчиликларни олдини олиш масалалари танқидий муҳокама қилинди, деб хабар беради вазирлик матбуот хизмати.

Маълум қилинишича, 10 ноябрь куни Халқ таълими вазирлигида тизимига ажратилаётган бюджет маблағларининг тўғри сарфланишини ташкил қилиш ва хатоликларни олдини олиш масалалари тўғрисида навбатдан ташқари Ҳайъат йиғилиши бўлиб ўтган.

Мазкур Ҳайъат йиғилишида тизимдаги молиявий хатоликлар, хусусан Андижон шаҳар халқ таълими бўлими тасарруфидаги мактабларда ўтказилган назорат тадбири натижалари муҳокама қилинган. Ушбу назорат тадбири натижаларидан ҳамда Ҳисоб палатасининг кўрсатмасидан келиб чиқиб, мазкур ҳолатларни келгусида такрорланмаслик ва олдини олиш бўйича аниқ топшириқлар берилган. Жумладан:

  • камчиликларга йўл қўйган ходимларга лавозимидан озод этишгача бўлган тегишли интизомий жазо чораларини қўллаш;
  • халқ таълими тизими бўйича, айниқса, Андижон шаҳар халқ таълими бўлимида масъул ходимларнинг алоқадорлиги ёки ҳаракатсизлиги юзасидан хизмат текширувини ўтказиш;
  • бюджет маблағларининг ноқонуний сарфланиши ва талон-торож қилиниши ҳолатларининг профилактикасини таъминлаш ва уларнинг олдини олиш йўналиши бўйича чораларни кучайтириш;
  • ноқонуний харажатларни амалга ошириш хавфи мавжуд бўлган ҳудудлар бўйича алоҳида «қизил» рўйхатни шакллантириш ҳамда уларни доимий назорат ва кузатувга олиш юзасидан амалий ишларни йўлга қўйиш бўйича аниқ вазифалар белгилаб берилди.
Ҳайъат йиғилиши қарори билан Андижон вилояти Халқ таълими бошқармаси раҳбарига тегишли интизомий жазо чораси қўлланилган.

Аввалроқ Самарқандда 2021 йилда 30 та ҳолатда мактаб ўқувчилари томонидан жиноятлар содир этилгани, Марғилон шаҳар халқ таълими бўлими собиқ бошлиғи 1,7 млрд сўмни талон-торож қилгани аниқлангани тўғрисида хабар берилганди.

Изоҳ
Asosiy yangiliklar
Маҳаллий
Ўзбекистонда талабалар учун қишки таътил муддати белгиланди
Дунё
Рамзан Қодировни танқид қилган чеченистонлик блогер ўлдириб кетилди
Маҳаллий
Ўзбекистонда сўнгги суткада 153 кишида коронавирус аниқланди