Сербиянинг Белград шаҳрида бокс бўйича ЖЧ—2021 нинг бешинчи кунги баҳслари 29 октябрь, жума куни ўтказилди.

Фото: Бокс федерацияси матбуот хизмати

-71 кг вазн тоифасида Ўзбекистон вакили Шаҳрам Ғиёсов қозоғистонлик Асланбек Шимбергеновга қарши рингга кўтарилди. Шаҳрам қозоғистонлик боксчига 0:5 ҳисобида имкониятни бой берди ва мусобақани тарк этди.

Эслатиб ўтамиз, аввалроқ Шаҳобиддин ЗоировМадиёр СаидраҳимовАбдумалик Ҳалоков кейинги босқичга йўл олганди. 28 октябрь куни Асадхўжа Мўйдинхўжаев фаластинлик рақибини мағлуб этиб, 1/8 финалга йўлланмани қўлга киритди, Миразизбек Мизахалилов америкалик боксчига мағлуб бўлиб, ўз иштирокини якунлади, 27 октябрь куни Шоҳжаҳон Абдуллаев бельгиялик боксчига қарши жангда нокаутга учради.

26 октябрь кунги баҳсларда Саиджамшид Жаъфаров словакиялик рақиби енгиб, кейинги босқич йўлланмасига эга бўлган бўлса, Ҳасанбой Дўстматов қозоғистонлик рақибига имкониятни бой бериб, мусобақа билан хайрлашди. Одилжон Аслонов эса жангсиз 1/16 финалга йўл олди.