Футбол бўйича Ўзбекистон чемпионатининг 22-туридан ўрин олган икки ўйин 17 октябрь, якшанба куни бўлиб ўтди.

Фото: «Навбаҳор»

«Навбаҳор» ўз уйида «Бунёдкор»ни қабул қилди. Учрашувнинг биринчи бўлимида ҳисоб очилмади. Иккинчи бўлим аввалида тошкентликлар Нурилло Тўхтасиновнинг голидан кейин олдинга ўтиб олди. 58-дақиқада Сардор Теляков мувозанатни тиклаган бўлса, Забиҳилло Ўринбоевнинг 60-дақиқадаги голи наманганликларга ғалаба келтирди.

«Локомотив» ва «Андижон» ўртасидаги учрашувда ҳам голлар иккинчи бўлимда урилди. Иккинчи бўлимнинг дастлабки дақиқасидаёқ Темурхўжа Абдухолиқов «темир йўлчилар»нинг биринчи голини урди. Бунга меҳмонлар 78-дақиқада Фарҳод Соҳибжоновнинг аниқ зарбаси билан жавоб қайтарди.

82-дақиқада Азизбек Омонов ҳисобни 2:1 кўринишга келтирди. Ҳакам томонидан қўшиб берилган вақтнинг 4-дақиқасида Павел Забелин Андижон жамоасини мағлубиятдан қутқариб қолган голга муаллиф бўлди.

22-турдан кейин Суперлига мусобақа жадвали қуйидаги кўринишни олди:

Фото: ПФЛ

Суперлига

22-тур баҳслари

17 октябрь, якшанба

«Навбаҳор» — «Бунёдкор» 2:1

Голлар: 0:1 – 49 Тўхтасинов, 1:1 – 58 Теляков, 2:1 – 60 Ўринбоев.

«Навбаҳор»: 1. Ўткир Юсупов, 4. Боян Сигер, 8. Сардор Теляков (28. Илҳомжон Алижонов, 87) 9.Иван Соловёв (14. Гуттинер Коста 87), 10. Қувондиқ Рўзиев (17. Эҳсони Паншанбе, 46), 19. Мирзоҳид Ғофуров, 22.Игорь Голбан, 24.Даврон Ҳошимов, 70.Аббос Ғуломов ( 25. Шоҳруҳ Маҳмудхожиев,90+3), 88. Боян Найденов, 95.Забиҳилло Ўринбоев (20. Иброҳим Ғанихонов, 81)

«Бунёдкор»: 91.Зафар Сафоев, 4.Даврон Эргашев (37. Муҳаммадодил Қаҳрамонов, 81) 6.Авазбек Ўлмасалиев, 10.Хуршид Ғиёсов ( 54. Умид Султонов 81), 13.Лутфулла Тўраев, 17.Одилжон Абдураҳмонов (8. Санжар Рашидов, 88), 19.Нурилло Тўхтасинов, 22.Шаҳбоз Эркинов, 30.Абдулла Абдуллаев, 34.Суҳроб Иззатов, 49.Иброҳим Томива.

Огоҳлантиришлар: Абдураҳмонов (13), Рўзиев (39), Тўхтасинов (51), Гуттинер (90).

«Локомотив» — «Андижон» 2:2

Голлар: 1:0 – 46 Абдухолиқов, 1:1 – 78 Соҳибжонов, 2:1 – 82 Омонов , 2:2 – 90+4 Забелин.

«Локомотив»: 35. Жавоҳир Илёсов, 3. Ислом Қобилов (22.Самюэль Опе, 46), 5. Кахи Махарадзе, 11. Темурхўжа Абдухолиқов, 14. Азизбек Омонов (45.Нурмуҳаммад Тошпўлатов, 85), 17. Санжар Қодирқулов, 21. Ғулом Ҳайдар Ғуломов, 27. Ислом Рашидхонов (10.Марат Бикмаев, 71), 28. Шуҳрат Муҳаммадиев (19.Жасур Жалолиддинов, 46), 37. Шерзод Файзиев, 77. Диёржон Туропов.

«Андижон»: 1. Элдор Адҳамов, 2. Сардор Ҳурсандов, 3.Азамат Исроилов, 4. Усмонали Исмоналиев, 5. Абдувоҳид Ғуломов, 9. Павел Забелин, 14. Василий Совпел, 18.Абдуғани Камолов (7. Шерзод Ғуломжонов, 84), 26. Муҳаммадкарим Тоиров (8. Бахтиёр Қосимов, 55), 49. Пламен Димов, 70. Диёр Раҳимқулов (17. Фарҳод Соҳибжонов, 55).

Огоҳлантиришлар: Қодирқулов (44), Жалолиддинов (62), Забелин (90+4).