YouTube’даги Bengregers каналида британиялик ҳайдовчиларнинг Шимолий Ноттингемширдаги йўллардан бирида ҳосил бўлган чуқур кўлмакни босиб ўтишга урингани тасвирланган видео пайдо бўлди. Коммунал хизматлар мунтазам равишда огоҳлантирувчи белгиларни қўйиб келишига қарамай, ҳайдовчиларнинг аксарияти катта тезликда ундан ўтишга уринади. Бироқ «айёр» кўлмак кўплаб транспорт воситалари эгаларининг хатосини кечирмайди, деб хабар беради Motor.
Фото: Motor
Европанинг деярли барча давлатларида куз фасли кучли ёғингарчилик кузатилади ва бу айрим туманларда сув тошқинларини юзага келтиради. Шу билан бирга кўплаб ҳайдовчилар кўлмаклар чуқурлигига шубҳа қилиб, транспорт воситаси ундан муаммосиз ўтишига ишонади. Статистикага кўра, 74 фоиз ҳайдовчилар сув босган ҳудудни катта тезликда босиб ўтишни маъқул кўради, бу эса гидрозарбга олиб келади.
Эълон қилинган видеода ўнлаб автомобиллар Шимолий Ноттингемширда ҳосил бўлган кўлмакдан ўтишга урингани тасвирланган. Бундай кунларда Британия коммунал хизматлари кўлмаклар олдига огоҳлантирувчи белгиларни қўйиб кетади. Аммо ҳайдовчиларнинг аксарияти хавфни жиддий қабул қилмайди.
Видеодан кўриш мумкинки, бир қанча енгил машиналар том маънода кўлмак ичидан сузиб ўтган. Айрим ҳайдовчилар эса унинг ўртасида тўхташга мажбур бўлган.
