Япониянинг Lexus компанияси ва АҚШнинг мусиқий ускуналар ишлаб чиқариш билан шуғулланувчи машҳур Fender корхонаси Fender Lexus LC Stratocaster номли гитарани тақдим этди. У Fender Custom Shop ательесининг бош мутахассиси Рон Торн томонидан ясалган бўлиб, лойиҳани яратишда Lexus LC автомобилидан илҳомланилган. Гитаранинг ўзига хослиги у Lexus томонидан 15 йил давомида яратилган Structural Blue кўк рангига бўялганида, деб хабар беради Motor.
Stratocaster моделидаги гитаранинг корпуси Structural Blue номини олган кўк ранги жилосига бўялган. Бўёқни яратиш устида Lexus’нинг АҚШ ва Япониядаги техник марказлари, шунингдек, VIAVI Solution компанияси иш олиб борган. Уни тайёрлашда 40 та алоҳида қатламли пигментдан фойдаланилган, ранг ёритилиш даражасига қараб мунтазам ўзгариб туради — бу мураккаб наноструктура билан изоҳланмоқда. Гриф хромланган Fender логотипи билан безатилган, грифнинг устки қисми эса силлиқланган тўқ кўк Richlite композит материалидан ишланган.
Корпус қопламаси силлиқланган углерод толадан ясалган, тутқичлари — Lexus’да фойдаланилган марк Levinson аудиотизмларидаги каби хира алюминийдан. Fender Lexus LC Stratocaster тиражи чекланган бўлиб, бутун дунё бўйлаб 100 нусхада яратилади — гитараларнинг барчаси углерод толали винил билан безатилган ва қора чарм билан қопланган, ичига Lexus логотипи туширилган индивидуал ғилофда етказиб берилади. Гитара нархи 6 минг долларни ташкил этади. Structural Blue бўёғи билан кунига фақат иккита автомобиль бўялади.
Аввалроқ Элвис Преслининг ноёб гитараси ярим миллион долларга сотилгани тўғрисида хабар берилганди.
Мавзуга доир: Видео: 12 соат музлаткичда сақланган Lexus кабриолети
Изоҳ (0)