Ижтимоий тармоқларда «Наманганлик 21 ёшли йигит ҳарбий хизматда портлаб кетганлиги» ҳақида хабарлар тарқалди. Бош прокуратура «Дарё» сўровига кўра ҳолат юзасидан маълумот берди.

Кадр: Видеодан скриншот

Аниқланишича, 2021 йилнинг 21 август куни дала-ўқув майдонида снаряд қолдиқлари портлаши натижасида содир бўлган кўнгилсиз ҳодиса оқибатида видеомурожаатда мурожаат қилган ота-оналар фарзанди Миллий гвардия муддатли ҳарбий хизматчиси А.Иқболжонов ҳаёт учун хавфли бўлган оғир тан жароҳатлари олиб вафот этган.

Мазкур ҳолат юзасидан 21 август куни Чирчиқ ҳарбий прокуратураси томонидан Жиноят кодексининг 297-моддаси (атрофдагилар учун катта хавф манбайи бўлган қурол-яроғ, шунингдек, модда ва буюмлар билан муомалада бўлиш қоидаларини бузиш) билан жиноят иши қўзғатилган.

Ҳозирда тергов ҳаракатлари олиб борилмоқда, прокурор назорати ўрнатилган.

Мавзуга доир: Қаҳрамонлар. Авиаҳалокатда, Тожикистондаги уруш сабаб, Андижондаги терактлар вақтида ва бошқа ҳодисалар оқибатида ҳалок бўлган ўзбек милиционерлари