Ўзбекистон Афғонистондан фуқароларнинг эвакуациясини Бухоро аэропорти орқали амалга оширишга рухсат берди. Бу ҳақда «UzNews.uz» Бухоро аэропортига таяниб хабар берди.
Венгриянинг маҳаллий нашрларидан бири 22 август куни Венгрия пойтахти Будапештга Кобулдан эвакуация қилинган Венгрия ва бошқа Европа Иттифоқининг бир қатор давлатлари фуқаролари ва маҳаллий афғонлар Wizz Air авиакомпаниясининг махсус авиарейсида келгани ҳақида хабар берган.
Венгрия Ташқи ишлар ва савдо вазирлиги давлат котиби 24 август куни яна икки ҳарбий транспорт самолёти Бухородан навбатдаги рейсларни амалга оширишини маълум қилди.
Аввалроқ Афғонистондаги фуқароларни Тошкент ҳамда Навоий аэропортлари орқали эвакуация қилинаётгани хабар қилинганди.
Изоҳ (0)