Фото: «Аваза» сайёҳлик зонасида норасмий учрашув ўтказган Марказий Осиё давлатлари раҳбарлари
Марказий Осиё давлатлари раҳбарлари Туркманистондаги «Аваза» миллий сайёҳлик зонасида норасмий учрашув ўтказди. Президентлар учрашуви тасвирланган суратлар Қозоғистон президенти матбуот котибининг Facebook’даги саҳифасида эълон қилинган.
«Марказий Осиё давлатлари раҳбарларининг норасмий учрашуви», — дейилади суратлар остидаги изоҳда.
Эълон қилиган суратларда Туркманистон президенти Гурбангули Бердимуҳамедов, Қозоғистон президенти Қосим-Жўмарт Тўқаев, Тожикистон президенти Эмомали Раҳмон, Қирғизистон президенти Садир Жапаров ҳамда Ўзбекистон президенти Шавкат Мирзиёевни кўриш мумкин.
Эслатиб ўтамиз, 5 август куни Ўзбекистон Президенти «Аваза» миллий сайёҳлик зонасида бўлиб ўтадиган Марказий Осиё давлатлари раҳбарларининг навбатдаги Маслаҳат учрашувида иштирок этиш учун Туркманбошига етиб борган эди.
