Бокс бўйича +91 кг вазн тоифасида Ўзбекистон шарафини ҳимоя қилаётган Баҳодир Жалолов 4 август куни ярим финал жангида иштирок этди.

Фото: Getty Images

Ўзбекистонлик боксчи ярим финалда Буюк Британия вакили Фрэйзер Кларкка қарши баҳс олиб борди. Биринчи раунд тўлиқ Баҳодирнинг устунлигида ўтди. Иккинчи раунд бошида Жалолов нокдаун ҳолатига тушди, бироқ шундан кейин Баҳодир вазиятни назорат қилди ва иккинчи раундни ҳам ўз фойдасига ҳал қилди.

Учинчи раунд ўтиб бораётган вақтда Кларкнинг жароҳати сабаб жанг тўхтатилди. Шу вақтга тўплаган очколар ҳисобида Жалолов финалга йўл олди.

Жалолов — Кларк жанги видеосини бу ерда томоша қилиш мумкин — видео

Жалолов финалда АҚШ вакили Ричард Торресга қарши жанг қилади. Америкалик боксчи ярим финалда қозоғистонлик Камшибек Кункабаевни таслим этди. Финал 8 август куни бўлиб ўтади.