«Женоа»дан «Рома»га ўтган Элдор Шомуродов генуяликларга хайрлашув мактубини йўллади.
Бугун миннатдорчилик билдирмоқчиман.Рим клуби Элдор Шомуродовни «Женоа»дан 17,5 миллион евро эвазига харид қилди. Шомуродов «Рома» билан 2026 йил 30 июнига қадар мўлжалланган шартнома имзолади. Ўзбекистон миллий терма жамоаси ҳужумчиси янги клуби сафида 14-рақамда ҳаракат қилади.Фаолиятимни бошидан буён Европада ўйнашни орзу қилардим, «Женоа» туфайли бу орзум амалга ошди.
Бугун яна бир қадам ташладим, лекин «Женоа» ҳар доим меҳр билан ёдга оладиган биринчи мураббийим бўлиб қолади. «Женоа»да ўйнаётган вақтимда фарзандим туғилди. Фаолиятимдаги бу босқич хотирамда бир умр қолади.
Жамоа президенти, мураббийлар штаби, барча хизматчи ходимлар ва айниқса, менга илиқ муносабатда бўлган, биринчи кунданоқ менга ёрдам берган жамоадошларимдан миннатдорман.
Мухлисларнинг эътибори ва меҳри мослашишимга, гол уриб, жамоанинг А Серияда қолиш вазифасини амалга оширишига ўз ҳиссамни қўшишда ёрдам берди. Генуя — дунёнинг энг чиройли шаҳарларидан бири.
Энди мени янги чақириқ кутмоқда, Генуя эса бутун умр юрагимда қолади. Раҳмат, Генуя!
Элдор Шомуродов, «Рома» футболчиси
Шомуродов 2020/21 йилги мавсум бошида «Ростов»дан 7,5 миллион евро эвазига «Женоа»га ўтганди. Бунгача у «Машъал» ва «Бунёдкор» клубларида тўп сурган. Элдор ортда қолган мавсумда А Серияда 31 та ўйин ўтказиб, 8 та гол уришга муваффақ бўлди.
Мавзуга доир:
- Нима сабабдан «Рома»ни танлагани, «Женоа»даги ёрқин мавсум ва келажаги ҳақида — Элдор Шомуродовнинг «Рома» сафидаги илк интервьюси
- Элдор Шомуродов «Рома»да: қароргоҳга ташриф, тиббий кўрик ва севимли рақам (фотогалерея)
- Элдор Шомуродов: «Дунёнинг энг катта клубларидан бирида нималарга қодирлигимни кўрсатишга ҳаракат қиламан
Изоҳ (0)