Ҳамиша классика ҳисобланган кофталарни нотўғри танлаш ҳатто энг замонавий образга ҳам путур етказиши мумкин.
Жинси кофта
Фото: «Домашний очаг»
Жинси матосидан тикилган кофталар аллақачон ўтмишда қолиб, уларнинг ўрнига 90 йиллар услубидаги oversize пижаклар урфга кирди. Бундай устки кийимни оқ футболка билан кийиш, уни кроссовкалар билан мослаш мумкин.
Енг қисми калта кофталар
Фото: «Домашний очаг»
Енг қисми калта, камига бел қисмига урғу бериб бичилган кофталардан воз кечишнинг аллақачон вақти келди. Бунинг ўрнига кенг ёки эркин турадиган калта вариантларга диққат қаратинг.
Бурмали кофталар
Фото: «Домашний очаг»
Айни вақтда олд қисми бурмали эмас, ёқалари кенг бўлган кофта моделлари трендда. Бурма ва пирпираклар ёқа ёки енг қисмида бўлса майлику-я, аммо кўкрак қисмида бўлиши дидсизликдан далолат беради.
Ёпишиб турадиган кофта
Фото: «Домашний очаг»
Тор ва ёпишиб турадиган кофталарни нафақат ўзини, балки пижак билан ҳам кийиш тавсия қилинмайди. Бунинг ўрнига оқ ва кенг кофта моделларини танлаш маслаҳат берилади.
Катак-катак принтли кофталар
Фото: «Домашний очаг»
Oversize услубидаги катак принтли кофта ва пижаклар айни вақтда долзарб экани ҳақиқат, бироқ бел қисмига урғу бериб бичилган моделлар эмас. Қолаверса, принтни ҳам пала-партиш туширилмаганига эътибор қаратинг.
Мавзуга доир:
