Буюк Британия қироличаси 95 ёшли Елизавета II Манчестерга бориб, эфирга узатилаётганига 60 йилдан ошган «Тож кийдириш кўчаси» сериалининг суратга олиш майдончаси ва студия комплексига ташриф буюрди, деб хабар беради Hello нашри. Қиролича ва унинг марҳум турмуш ўртоғи Филипп сериални биринчи қисмидан бошлаб томоша қилиб келган.
Сериал яратувчилари, актёрлар ва бутун суратга олиш гуруҳи Елизавета II ни қизил йўлакчада тантанали кутиб олди. Қиролича оммага Angela Kelly брендининг феруза рангли пальто ва шляпасида кўриниш берган. Тақинчоқлари орасидан гулсимон кўринишдаги ёқут ва бриллиантли зирак ва тўғнағич ҳамда марваридли маржонини кўриш мумкин.
Елизавета II суратга олиш майдончаси бўйлаб айланган, сериалда тасвирга тушган Rovers Return қовоқхонасига кирган, шоу актёрлари билан суҳбатлашган. «Тож кийдириш кўчаси» сериали илк бор 1960 йилнинг 9 декабрида эфирга узатилган бўлиб, Британия академиясининг BAFTA TV мукофотини олти маротаба қўлга киритган. Шоу ўйлаб топилган Уэзерфильд шаҳарчасида жойлашган кўчаларнинг бирида яшовчи оддий инсонлар ҳаёти ҳақида ҳикоя қилади.
Таъкидлаш керакки, Британия қироличаси мазкур сериалнинг суратга олиш майдончасига 1982 йилда турмуш ўртоғи шаҳзода Филипп билан ҳам ташриф буюрган. Ўшанда монахларнинг ташрифи шу қадар муҳим аҳамиятга эга бўлганида, у плёнкага ёзиб олиниб, шоунинг эпизодларидан бирига айланган. 2013 йилдан буён сериал Манчестер шаҳри яқинида, Солдордда суратга олинмоқда.
Шундан сўнг, Елизавета II Манчестер соборига ташриф буюрган.
Аввалроқ Елизавета II нинг «Катта еттилик» (G7) саммити доирасида Корнуолл графлигида тортни тантаналарга мўлжалланган қиличда кесаётгани видеоси тарқалган эди.
Изоҳ (0)