Бугун,

  • USD 11014.01
  • RUB 191.8
  • EUR 10674.78

Давлат статистика қўмитаси Ўзбекистон вилоятлари марказий ҳудудлари кесимида 2021 йилнинг июнь ойи учун тайёр паловнинг ўртача нархларига оид маълумотлар билан бўлишди.

Кадр: YouTube

Кадр: YouTube

Қўмита июнь ойида мамлакатнинг марказий ҳудудларидаги умумий овқатланиш муассасалари (ош марказлари)да кузатув ўтказди ва унинг натижалари бўйича паловнинг ўртача нархлари қуйидаги кўринишга эга бўлди:

Скриншот: Давлат статистика қўмитаси

Скриншот: Давлат статистика қўмитаси

Рўйхатдан кўринишича, энг қиммат палов Тошкент шаҳрида сотилган бўлиб, бир порцияси 23 000 сўм бўлган. Ундан кейинги ўринларда эса Бухоро (20 333 сўм), Самарқанд (20 000 сўм) вилоятлари ўрин олди.

Энг арзон ош эса Наманган вилоятида, бир порцияси 14 714 сўмдан сотилган.

Қайд этилишича, нархларни рўйхатга олувчи томонидан кузатув ўтказилган кун ва вақтдаги нарх-наво қайд этилиб, бунда вақт ва жойига қараб нархлар ўзгариб туради.

Мазкур маълумотларнинг шаклланиши жараёнида фақатгина танлаб олинган умумий овқатланиш муассасалари (ош марказлари)даги паловнинг ўртача нархлари ҳисобга олинган бўлиб, ресторан ва чойхоналардаги нархлар инобатга олинмаган.

Эслатиб ўтамиз, Ўзбекистонда энг оммавий таом — «Палов индекси» маълумотларини шакллантириш 2020 йилнинг январидан жорий этилганди. Ушбу маълумотларни шакллантиришда Республиканинг барча ҳудудларида 1 килограмм палов тайёрлаш учун сарфланадиган масаллиқлар миқдори ўрганиб чиқилди.

Унга кўра, 1 килограмм тайёр паловнинг қийматини ҳисоблаш қуйидагича (барча сарф-харажатларини инобатга олган ҳолда)

  • ўсимлик ёғи (300 грамм);
  • пиёз (300 грамм);
  • мол гўшти (700 грамм);
  • сабзи (1 килограмм);
  • гуруч (1 килограмм);
  • нўхат (100 грамм);
  • майиз (50 грамм);
  • зираворлар (10 грамм);
  • ош тузи (5-10 грамм).
Шунга кўра, умумий овқатланиш муассасаларида бир порция паловнинг ўртача нархи белгиланади.

Изоҳ
Асосий янгиликлар