Tesla China компанияси Supercharger қувватлантириш станцияларига ўрнатилган қадимий Буюк ипак йўли яқинидан ўтувчи энг узун маршрут йўналиши очилишини эълон қилди. Мазкур маршрут узунлиги қарийб 5 минг километрни ташкил этиб, унда 27 та қувватлантириш станцияси жойлашган, деб хабар беради IXBT.
Кадр: Twitter
Компания бу ҳақда ўзининг Twitter’даги саҳифасига видеоролик жойлаштириш орқали эълон қилган. Tesla ўзининг электромобилларига эгалик қилувчилар Буюк ипак йўлининг энг қизиқарли нуқталарида бўлишига диққат қаратган. Ушбу маршрут мамлакатнинг шарқий ва ғарбий қисмлари жойлашган Чжоушандан Хоргосгача давом этади.
5000 kms with 27 Supercharger Stations👉Tesla opens the longest Supercharger route from east to west in China⚡️#TheSilkRoute @TeslaCharging pic.twitter.com/QUucp0qjK3
— Tesla Greater China (@teslacn) June 19, 2021
2013 йилда Хитой раиси Си Цзиньпин ҳозирда Янги ипак йўли номи билан машҳур Belt and Road Initiative ташаббуси билан чиққан. Ушбу ташаббусга кўра, Хитой Шарқ ва Ғарбни бирлаштирувчи янги темир йўллари, портлар, автомагистраллар ва бошқа инфратузилмаларни қуради. Лойиҳада камида 100 га яқин давлатлар иштирок этмоқда.
Эслатиб ўтамиз, 2021 йилнинг январида Хитойдаги Jing’an International Center ерости савдо комплексида Tesla’нинг дунёдаги энг йирик қувватлантириш станцияси очилганди. Унда бир вақтнинг ўзида 72 та автомобиль қувватлана олади.
